Poezi nga Agim Desku

 
Poezi nga Agim Desku
 
 
SHTATË MREKULLITË E BOTËS
 
Edhe shtatë mrekulli kur t’i krijoj
Nuk do më beson as vargu im
Përse edhe pas pesë shekujve
Plagët e jetës nuk paskan shërim
 
Deri në olimp u ngritëm së bashku arti im
Hero i Venedikut nuk desha të jem
As fajtor për mëkatim e fjalës së dhënë
Me dashuru ia besova vargut kah shkruan
 
Për ëndrrën time sot haraq paguaj
Ndoshta edhe shtatë mrekulli të krijohen
Në Anatemë të pathënë shumë kam besue
E di Heshtjet vrasin nëse je edhe vet djalli
 
Në Universin poetik e shkriva jetën e re
Me u përballë me yjet e galaktikës
Sa do më ledhatonte Fishta për Fishtianen
Se yjet tani janë shoqëri e vetme e Ernes
 
Dhe përjetë mbesin jeta e bukur e engjëjve
Për ta pikturue veten në Pafajësinë e fjalës
Njeriu e di se është Ditar i Apokalipsit
Dhe bën Dialog me vetveten për jetën
 
Dita e Verës është e shtata mrekulli e botës
Festa pellazge që më s’më ngrijnë acaret
Bëhemi Këngë e pranverës e aromë lulesh
 
Ku ta di unë Në cilin varg mbes
E di që e kam takue të bukurën e jetës
Dhe e kam ngroh shpirtin me flakë dielli
Në Pëshpëritje drite e gjeta vargun e poetit
 
Tani më nuk besoj se jam i huaj
Edhe pse njeriu nuk më njeh fare
Mjafton unë t’i njoh njerëzit sa vlejnë
Vet jam veç një pikë ujë n’detin e pafund.
 
 
ANA TJETËR E MEDALJES
 
Ka vite betejat e Anës rrinë nën Titanik
Çelësin e kërkoj për t’i nxjerrë nga errësira
E di se gjendet në plagët që s’kanë shërim
Më duhet ta ruaj në shpirt Kutinë e Pandorës
 
Çelësin me ia pikturu me fytyrë heroine
Ndoshta një ditë rikthehen zotnat e mi
Me kalue mbi trupin tim plotë dhembje
Me e pa sa është vështirë me qenë luftëtar
 
Me u ba plagë e plagëve që s’kanë shërm
Lumenjt me i ndalu mos me u mbush lot
As mos me u dëgju simfonitë e krisura
Kur çdo çast na sërvojnë çmenduri jete
 
Anën tjetër të betejave po e marr me vete
Ta shndërroj në fitore të çlirimtares sime
Nëse i bashkoj dy anët e betejave të ndara
Nisëm për ta gjetur Purgatorin e Dantes
 
Aty ka mbetur peng Kutia e Pandores
Me i shërue plagët e pesë shekujve
Për me e marr çelësin e jetës së hyjnive
Me u ba çlirimtar i plagëve t’anes tjetër…
 
 
MBRETËRISHT
 
N lutjen e yjeve
Mbretërisht jetohet
Nëse ë ngjajë Ena
 
Me jetue përgjithmonë
Pa fytyra demonësh
 
Një univers të ri me e krijue
 
Në ç’yll me të pa Erna
Kah e ndritë galaktikën.
 
 
E SHENJTË
-Lasgushjane
 
Sa e madhe është Dita e shenjtë
Ç’shenjtëri m’i fal jetës
Njeriut ia fundos urrejtjet
Diku në nënTitanikun kryeneq
 
Në një ditë të shenjtë
Përqafoj flakën e diellit
Për Ernen digjet jeta
Kryevepër arti t’i bëhet floku i saj
 
Pranverë përherë të jenë yjet
E di trëndafilat do të çelin ma shpejt
Në këngë dasmash e desha jetën
Unë këngëtari ma i mirë i dashurisë së shenjtë
 
Eh,vargu im për një çast mu ba jetë arti
Se arti ma sjell vet jetën e bukur
Sa desha të jem poezi lasgushjane
Ta ngrohu jetën me zjarret jasharjane.
 
 
DYMIJË VJET DIELL
 
Dymijë vjet jam rrefye vetëm diellit
E kam dashur mu si lulet e prillit
Djegur jam nëpër zjarr të ferrit
Pse i përkas trojeve të mia të Arbërit
 
Dymijë vjet fati më lidhi me djallin
Më munguan çdo ditë zotnat e fjalës
Kur një mbrëmje pranë zjarreve të Prekazit
U rrefeva të bëhem edhe unë ushtar i idealit
 
Ehe unë të kam zotin tim të fjalës
Me u betue si dikur në besë të shqipeve
Sikur Gjergji në shpatë të atdheut
Me e rikthye sërish fuqinë e Prometheut
 
Mos me ju largue kurrë dritës se diellit
Me të krahasue si herave me lule të prillit
N’besë të Doruntinës me u ba dhembja ime
Lart jeton kur rrefehesh Natës se Zjarreve
 
Në Prekaz me i shëru dhembjet me dashuri
Dymijë vjet ëndrrova me jetu edhe unë n’ liri
Kurrë ma mos me pa tradhtar me sytë e mi
Ferr u bafsha nëse jetoj pa dhembjen për ty.
 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s