Poezi nga Brikene Ceraja – Beka
Për tokën që u flijuan
Ata bëjnë gjumë, heshtin me vite
Nuk bërtasin, nuk thërrasin
Ne ecim me kokën lart
Duke ua prishë qetësinë me take
me lavde e t’pavërteta
Ua prishim hijën me blicin e fotoaparateve
Bëjmë sikur përmallohemi për gjumin që ua dha toka
Ata janë të qetë për atë që dhanë
Të mbuluar me bardhësinë e gurit
Nuk kërkojnë asgjë më shumë se dashuri
Për tokën që u flijuan
Ata bëjnë gjumë në paqe, heshtin me vite
Ne ua prishim qetësinë
Me take
Me lavde
Me t’pavërteta.
bcb (mars 2021)
