Poezi nga Vera Istrefaj

vera istrefaj 2

       Vera  Istrefaj

 

Poezi nga Vera Istrefaj

Për të lexuar poezitë e autores klikoni linket e mëposhtëme:

vera_istrefaj_poezi_10.6.08

veraistrefi_shiu_i_fundit_

vera_istrefi_nënqeshja_e_ëmbël_poezi

veraistrefi_në_akuj_digjem_30.8.08

vera_istrefi_u_jepem_udhëve

1-THANA

Thana

Epara çel,

E fundit piqet.

Gjatë i gëzohet lulëzimit,

Për t’ju shmangur vjeljes.

Vetë,

U poqa pa lulëzuar,

Askush s’kujtohet,

thanën ta shartojë.

Bryma ma zë frymën,

Ndërsa thana,

ende në pjekje.

 

 

2-RADHË -RADHË

 

Radhë-radhë,

Janë vënë ditët e netët
Në rrugët e qytetit tim.
Shikimet dhe bliret,
Sundojnë mbi to.
Nuk e di,
Të qaj, a të qesh,
Për t’u nisur,
Tek i pres.

 

 

3-VITET E RINISË

 

Si një çift pëllumbash

më kanë ikur

vitet e rinisë,

dhe ëndërrat.

Tashmë kam mbetur

si një kafaz,

dyert e të cilit

era i përplas.

 

 

 

4-***

Në palë të flokut

Ta kam fshehur prekjen

E xheloze bëhem

Kur e përkëdhel erë e malit.

Gërshetat i kam shprishur

Për t’u vënë

Kurorën e mallit.

Xhevahir të rrallë

Kam prekjen tënde

Në palë të flokut

Lodruese mbi ballë

 

5-***

Të lë takim

Në pikën e vesës,

në orën e trokitjes së zemrës.

Në pikë të djersës

Ta kam mbytur

Humbjen e shpresës

Dhe,

Në pikë të lotit

Kam pritjen për ty

Kripëzuar

 

One thought on “Poezi nga Vera Istrefaj

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s