Kalendari poetik: Babette Deutsch (1895-1982) / Përgatiti materialin Maksim Rakipaj

 
Babette Deutsch
 
Kalendari poetik: Babette Deutsch (1895-1982)
 
Poete, kritike letrare, përkthyese dhe shkrimtare amerikane. U lind në New York city më 22 shtator 1895. Studimet i kreu në Ethical Culture School dhe Barnard College. Gjatë viteve 1940-50 Deutsch dha mësim në Columbia University, ku mes studentëve të saj ishte dhe poeti dhe publicisti i njohur Lawrence Ferlinghetti (kam postuar prej tij).
Ndër përkthimet e saj përmendet poema “Eugjen Onjegin” dhe poezi të zgjedhura nga Boris Pasternak. Ja një poezi prej saj:
 
PETROGRAD
 
Qe heshtje’ stuhishme n’atë qytet,
Heshtje’ të palindurit që lodronte
Në terr, i vockël, pa i ardhur keq,
Shqyente trupin, zemrën që e donte.
 
Nga pesh’e rëndë i tundeshin ijet,
Xhuxh, ama hije të madhe lëshonte,
Hije vdekjeje, lufte dhe urie;
Qyteti ndjeu. E kuqja sundonte.
 
Klithi fort ndaj të gdhirë pastaj heshtje;
Dihaste në agoni e hutuar
Nga kjo lindje e ngutur, plot ankthe:
 
E veçantë, klithmë shtaze e thekshme.
Egërsuar, nga fitorja vetmuar
Dhe del kundër gjithë botës së madhe.
 
 

© shqipëroi Maksim Rakipaj

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s