SIKUR TË ISHE TI ME MUA … / Poezi nga Odise Kote

 
Poezi nga Odise Kote
 
 
SIKUR TË ISHE TI ME MUA …
 
Sikur të ishe ti me mua, sikur të ishe,
Të rrezikoja si dikur të të humbas.
Mes rrënojës së vetmisë dhe stuhive,
Në gabimin e pandreqshëm në park…
 
Në vendet e errëta, të vogla të prekjes
Kur këmbëve ngatërroheshin fijet e barit.
Në duf aromash të panginjura të dehjes,
Në gjëegjëzë lozonjare të mëkatarit…
 
Por kthimet kanë vdekur në prill a në maj,
Shenjat e buzëve janë fshirë me kujdes.
Se ishe veç frymë, pa formë e pa faj,
Shpejtësi marramendëse treni ekspres…
 
Prej harrimit të vish, s’do desha gjë tjetër
Si Ulisi të endesha stuhish për Itakë.
E di, gjithë kjo është veç një gënjeshtër,
Por ende shoh ëndrra, besoj jam me fat…
 
Sikur të ishe ti me mua, sikur të ishe …

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s