Poezi nga Sokrat Habilaj

Poezi nga Sokrat Habilaj

 

NË KOHË TË NDRYSHME

Dje vrisnin, veç ëndrrat ndoshta,
E për të thënë se s’ishin vrastarë.
Kursenin pjesën me mish e kocka,
Që skeletin të na tërhiqnin zvarrë.

Po sot, na vrasin mishin e kockën,
Kur me bukën e gojës ngrenë çark.
E thonë, mund të ëndërroni botën,
Po ëndrrat tona tani janë pa kafkë.

Dhe grindemi, kush dje vdiq i pari,
A dhe kush i dyti sot ja hoqi vetes.
Ne me ëndrrat, s’u pamë së gjalli,
Po ndoshta takohemi pas vdekjes.

 

VJESHTË

Këtu njerëzit çapiten kot më kot,
Nën pemët që i zhveshi vjeshta.
Si për ta bërë imazhin më idiot,
Gjysma e tyre gërvisht vjersha.

Këtu gjysma grindet me shamatë,
E fjalët gremisin në çast, si fletët.
Si për ta bërë imazhin më bajatë,
Gjysma shet dëngla: “Ne poetët”!

Këtu ka dhe ligje për çdo prapësi,
Stop duhani!Stop…Stop pa fund!
Si për ta bërë imazhin dhe më zi,
Për vjershat s’ka njoftim askund.

Nēse kjo stinē lihej ashtu si ish’
Ajo do ngjasonte e gjitha si stof.
Si për ta kthyer basmë çengish,
Vjeshtës i veshin ndonjë strofë.

Po vjeshta s’ka nevojē pēr penel,
Dhe qē baltosjet e saj, të ndalen.
Gjysme tjetër i duhet një tabelë:
“Dyqani mbyllet, vjershat falen”!

 

PAKT

Tani kemi të bukura dhe heshtjet,
Jo se na është zbehur malli i parë.
Po pasi i firmosëm marrëveshjet,
S’kemi shumë gjëra për të ndarë.

Qëllimisht s’u morëm me hollësi,
Sa do më duash, sa do të dua unë.
Fundja le të të dua unë ty pa kufi,
Në më do më pak, s’prishet punë.

As për grindjet s’vumë ndonjë cak,
Ku të thoshim:-S’shtyhet më tutje!
Fundja ti, m’u grind dhe pa shkak,
Di vet si e kthej sherrin në puthje.

Unë them të vinim një pikë shtesë,
Se ai që s’e dredhë është veç guri.
Nëse trishtimet s’i ndajmë në mes,
Do iki. Ndodhë që ikën dhe burri.

Nëse s’i ndajmë në mes, unë do iki,
Jo të ndaj trishtimin me dikë tjetër.
As do ngre kioskë ku shitet shpirti,
Trishtimin se kam as pak, as tepër.

Do iki duke të dashur deri në kockë,
Mbase i shtrirë nën një pirg me dhè.
Ku për trishtimin nuk duhet shtojcë,
Edhe po u derdhë mbi mua si rrëke!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s