Sot, më 23 shkurt, është data e lindjes së poetit argjentinas. Ka botuar 10 libra me poezi. Gjithashtu ka botuar nëpër revista të ndryshme shumë artikuj kritikë dhe ese. Poezitë e tij janë përkthyer në disa gjuhë evropiane. Ja njëra në shqip bashkë me urimin për ditëlindjen e poetit – “Feliz Cumpleaños, César!”:

 

 

LIBRI ME POEZI

 

Lexova poezinë e parë

dhe s’po gjej dot një vajzë

të jetë gati të më joshë.

 

Lexova poezinë e dytë

dhe s’po gjej dot taksi

të më shpjerë në pyll të shëtis.

 

Lexova poezinë e tretë

dhe s’po gjej dot një pisqollë

t’ia mbaj autorit në kokë.

 

Kështu që e mbylla librin

dhe hodha vështrimin jashtë dritares:

andej, poezia e rrugës

po shkruante në faqen e një dite të mrekullueshme.