Poezi nga Kozma Billa
BIOGRAFIA IME
Në se ndonjëri
kërkon të mësojë biografinë time,
mos t’endet lart e poshtë,
të ftoj
të përgjigjesh ti,
dhe në cënoftë karakterin tim,
jepi të lexojë një tufë vjershash,
në s’i pëlqefshin,
ti mos u mërzit,
jepi ca të tjera,
dhe në se prapë nuk bindet,
mallkoje
këtë dru të pagdhendur,
kjo botë s’e meriton.
. . . . . . . . . . . . . . . . . . . . . . .
Unë
e kam shkruar biografinë time,
dhe … ,
kush do ta lexojë,
më parë
të mësojë alfabetin e jetës.
@konibipa
ATUNIS GALAXY POETRY 