Poezi nga Rovena Shuteriqi

Posted on July 10, 2018

0


Poezi nga Rovena Shuteriqi

 

***

Heshtje malli,si nata,kur kaplon madhështinë e detit nga dita.
Zërat pezull,si erërat,kur nuk dinë, se ku të përplasen.
Copëtim thonjësh,nga ankthi i pritjes.
Mbyllje qepallash,në përpjekje të imagjinatës.
Kthim prapa në kohë.
Një ofshamë e thellë,si për të larguar,shpirtërat endacak.
Një fshirje hidhërimi nga pasqyrimi i atyre, që shkuan.
Rrezatim,që çjerr errësirën e ngërdheshur.
Buzëqeshje,që shpirtin ripërtërin.
Një puthje në majë hunde. Mbështetje koke,kraharorit që ulet e ngrihet nga rrahjet e zemrës.
Dorë ledhatuese mbi flokët kundërmuar,prej aromës dehëse.
Dy jetë të dashuruara që nuk harrohen lehtë.
Një zile lajmërimi mesazhi nga larg,kthim në realitet.
Është, ai!

Posted in: POEZI