Kalendari poetik: Zinaida Gippius (1869-1945) / Përgatiti materialin Maksim Rakipaj

Zinaida GIPPIUS

Kalendari poetik: Zinaida Gippius (1869-1945)

Poetja, shkrimtarja dhe eseistja e njohur ruse Zinaida Gippius (në rusisht Зинаида Николаевна Гиппиус), u lind më 8 nëntor 1869 në një familje aristokratike ruse me prejardhje gjermane (von Hippius). Në vitin 1888 u njoh me poetin Dmitrij Merezhovskij; po atë vit dolën në shtyp poezitë e saj të para; pas një viti dy poetët u martuan. Përkrahu revolucionin e vitit 1905, por qe kundër atij bolshevik më 1917, kështu që u detyrua të mërgonte me gjithë bashkëshortin. Sjell sot një poezi prej saj ku duket qartë ç’mendonte poetja për bolshevikët dhe revolucionin e tyre:

FESTIME (ВЕСЕЛЬЕ)

Festime Tetori, që bëjnë për të vjellë!
Nga kjo pije e qelbur që kutërbon
Më shumë të shtini krrupë kur jeni esëll,
Vend i mjerë mëkati, që s’di ku shkon!

Cilit qen i bëni qefin, cilit nga djajtë,
Ç’ëndërr të rëndë tmerri po shihni,
O njerëz të çmendur, lirinë tuaj vratë
Dhe para se ta vrisni, e rrihni?

Qen e djaj zgërdhihen me skllevërit e mjerë,
Qeshin pushkët, sapo hapni gojën…
Prisni pak, se me hu do t’ju fusin nën zgjedhë,
Popull, që djallin nderon, jo shenjtorët!

shkruar më 1918

 

© shqipëroi Maksim Rakipaj

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s