U lind më 21 mars 1938 Luixhi Tenko, kantautor, aktor, poet, instrumentist dhe kompozitor i njohur italian. Do të mbushte 84 sot, këngëtari që vdiq pa mbushur 29. Ishin vitet kur në San Remo këngëtarët ishin burra dhe këngëtaret ishin femra. Vdekja e tij (vrasje apo vetvrasje), në një hotel në Sanremo gjatë festivalit të këngës italiane, mbetet ende e mbështjellë në mister; në vitin 2006 u tha se hipoteza e vetvrasjes është më pranë së vërtetës. Njihet mirë edhe tek ne nga dashamirët e muzikës italiane. Sjell këtë poezi nga kantautori fatkeq italian; është një këngë që duhet ta dëgjojnë të gjithë ushtarët para se të shkojnë në luftë të vrasin, ose të vriten me moshatarët e tyre:

 

 

 

Në mes të detit një detar

me anijen e tij dhe një top

është nisur për në betejë

kundër armikut që s’ka parë dhe s’e njeh

veç portretin e një gruaje ka me vete

dhe ndonjë letër me ëndrrat e tij nëpër dete.

 

Në mes të detit një detar,

dhe një armik për ta fundosur,

i thanë se armiku, aspak nuk është si ne,

as zemër nuk ka, nuk di as të flasë,

i thanë se në do ëndrrat t’i mbrojë,

me guxim armikun duhet ta luftojë.

 

Në mes të detit një detar,

armik’ i tij në fund të detit,

por diçka mbeti mbi valë,

shkon të shohë, ç’të jetë vallë:

ndonjë letër dhe portretin e një gruaje gjeti,

qenë ëndrrat e armikut që shkoi në fund të detit…