U lind më 4 prill poetja finlandeze që shkruante në suedisht, Edith Södergran. Njihet si nismëtare e ekspresionizmit në Finlandë dhe pati ndikim të madh në poezinë suedeze në kohën midis dy luftërave botërore. Rruga e saj në poezi nisi në vitin 1916 me një përmbledhje poezish në vargje të lira. Tuberkulozi që bënte kërdinë ato vite e mori në moshë fare të re, 31 vjeçe. Ja përzgjedhja ime në 130 vjetorin e lindjes së saj:

 

Kështjellat e mia prej ajri, si bora u shkrinë,

ëndrrat e mia si ujë rodhën,

nga ç’kam dashur më mbeti vetëm

ja, ky qiell i kaltër dhe ndonjë yll i zbehtë.

Era mes pemësh lëviz fare lehtë.

Zbrazësia fle. Ujët hesht.

Zgjuar rri një bredh plak që kujton me mall

si puthi në ëndërr një re të bardhë.