Epigrame sentenca fjalëurta të kapitullit “Mbi shoqërinë” nga libri”DETAJE JETE” i autorit Vladimir Muça

 
Epigrame sentenca fjalëurta të kapitullit “Mbi shoqërinë” nga libri”DETAJE JETE” i autorit Vladimir Muça
 
 
***
Kur ndjen gëzimin,
dhimbjen tënde
je gjallë;
Kur ndjen dhimbjen
e dashurinë e tjetrit
Je njeri.
 
 
***
Para fjalës GRUA
Përkulet lavdia
E shuhet guximi.
 
 
***
Në një jetë sa më normale,
Fatet personale dhe ato shoqërore,
Janë në bashkësi në pika universale.
 
 
***
Varfëria e tejskajshëme
e kthen njeriun në zjarr,
i cili ndez ndryshimin dhe revolucionin shoqërorë.
 
 
***
Vitet më të lumtura të jetës
janë ato,kur ti vendos,
Që punët më të mira t’i bësh vetë.
 
 
***
Ai që rend pas gënjeshtrës
është si zagari që rend pas kockës.
 
 
***
Asgjë s’është e vërtetë në një vend,
ku qytetarët janë të kufizuar
nga morali dhe ligjet.
 
 
***
Përpiqu të kontrollojsh zemërimin,
Mos e lejo ate të të komandojë.
 
 
 
***
Dyshimi është krimb që gërryen veten.
 
 
***
Kur djeg të shkuarën,
djeg dhe të ardhmen tënde.
 
 
***
Për histori të vertetë
Rrëfe fort farat e fisit,
Si rrufeja në trung të lisit.
 
 
***
Fëmra është si pushka,
Është krijuar për të vënë burrat në provë.
 
 
***
Në se vidhni,
Vidhni kohën,
Në se mashtroni,
Mashtroni vdekjen.
 
 
***
Karakteri i vërtetë duket në gjëra të vogla,
aherë kur nuk kontrollohesh.
 
 
***
Për të çuar në robëri një popull,
mjafton ti marrësh një fjalë nga kënga e tijë,
Por për ta shtypur, kërkohet e gjithë kënga.
 
 
***
Nëqoftëse ligji nuk është kënaqësia e popullit,
shpirti i kombit zhytet në pikëllim.
 
 
***
Shmangija nga drejtësia e përfitimi i të drejtave janë në themel të oligarkëve.
Vetëtimat e urrejtjes popullore
Djegin botën e tyre të shpërfytyruar.
 
 
***
Mos ja ha bukën njeriut që të shikon shtrembër.
Ushqimet e tijë sa më të shijshëme të jenë,
aq të helmuara janë.
 
 
***
Fjalët e shpifësit janë një gjellë e shijshëme,
por me helm që vepron me vonesë.
 
 
***
Njeriu i drejtë dhe me një fetë bukë ngopet,
ndërsa njeriu makut vuan nga uria
dhe me stomakun plot.
 
 
***
Kur nis furtuna, i pabesi ka marrë arratinë
bashkë me te,
Ndërsa njeriu i thjeshtë
mbetet në themele i patundur.
 
 
***
Begatia e të pasurit shihet tek komshiu,
Duket tek begatia e qytetit ku ai jeton.
Varfëria e qytetit është dhe varfëri e të pasurit.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s