U lind më 10 mars 1967 Omer Tarin, poet, eseist, dijetar dhe mistik pakistanez. Pasi shërbeu disa vite si nëpunës i shtetit, u tërhoq në jetën akademike dhe studimet universitare si pedagog. Ka botuar disa përmbledhje poetike dhe studime akademike. Gjithashtu është i dhënë pas mbrojtjes së mjedisit. Ja një shqipërim prej poetit pakistanez:

 

 

 

Kështu një tjetër art i brishtë

Vuan nën skllavëri

Dhe pushtetet që fuqinë adhurojnë

Sot tjetër betejë luftojnë.

 

Mos është skllavërim e gjithë kjo,

Ose orvajtje për zhdukjen e arteve

Për gjithë të ardhmen?

 

Der zeit ihre kunst (Koha arti juaj)

Der kunst ihre freiheit, (Arti juaj liria)

Kjo, të paktën, më pas mund të rivendoset.

 

Thua ka gjasa për këtë?

S’ma merr mendja, shumë dyshoj.

Si Goethe fatin e Gretchen të shkretë vajtoj:

Mein Ruh’ ist hin (Paqja ime mbaroi)

Mein Herz ist schwer; (Zemra më sëmbon)

Ich find ist nimmer (S’kam për ta gjetur ndonjëherë)

Und nimmermehr. (Kurrë, asnjëherë)

 

S’kam fjalë,

Jam i shtangur nga vetësiguria

E më të këqinjve të këtij brezi

 

Nga ngutja e tyre shkatërrimtare

Nga mënyra si grahin pa mend

Përmes këtij Perëndimi të Egër.

 

Ç’mendoni se ka ngjarë?

Edhe sa do ta durojmë?

Këtë robëri të turpshme?

Ç’tjetër mund të bëjmë?