Kalendari poetik: Henrik Ibsen (1828-1906) / Përgatiti materialin Maksim Rakipaj

 
Henrik Ibsen
 
Kalendari poetik: Henrik Ibsen (1828-1906)
 
Më 20 mars 1828 u lind Henrik Ibsen, në një familje me prejardhje daneze dhe gjermane. Në Shqipëri i bë i njohur nga shqipërimet e Fan Nolit, që solli në shqip mes të tjerash dramat e tij “Armiku i popullit” dhe “Shtëpia e Kukullës”. Ishte dramaturg, regjisor teatri dhe poet i shquar norvegjez, mbahet nga kritika si babai i dramaturgjisë moderne. Sjell sot një shqipërim nga Ibsen të para tetë viteve:
 
 
FUQIA DHE KUJTESA
 
Dëgjoni! E dini se ç’bën zbutësi me ariun
kur e mëson të mos harrojë ç’i mëson njeriu?
 
E lidh mirë mbi një tigan të madh kafshën e ngratë,
pastaj ndën atë tigan vete dhe vë flakën.
 
Këtej matanë, fillon i bije fizarmonikës
dhe këndon këngën “Gëzo jetën, hiç mos ki frikë!”
 
Nga dhëmbja e madhe, kur ndjen se digjet për së gjalli,
ç’të bëjë ari i gjorë? Valles ia merr, nga halli.
 
Kështu ariu, kur dëgjon muzikën tjetër herë,
“Ah, u dogja” thotë dhe nis vallen menjëherë.
 
Dikur mbaj mënd, n’atë tigan më vunë edhe mua,
këtej matanë vu orkestra, s’kishte të pushuar.
 
Shkoi e djegura në mish, të gjallë më përvëluan,
se ç’hoqa unë e di, kurrë s’kam për ta harruar.
 
Kështu tani, sa herë dëgjoj melodinë prapë
“aha, -them – tani më lidhën, më vunë në tigan!”
 
Ndjej zjarrin në mish e në kockë, fillon llahtaria
dhe valles ia marr me këmbët e vjershave të mia.
 
 
maks
 
© shqipëroi Maksim Rakipaj

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s