Poezi nga Tadeusz Różewicz
Ç’ËSHTË POETI…
Ai që shkruan vargje është poet
dhe ai që vargje nuk shkruan
poet është ai që pranga heq
poet është ai që i vënë pranga
poet është ai që beson
poet është ai që besimin ka humbur
poet është ai që gënjente
dhe ai që e gënjyen
poet është ai që me dorë e ushqejnë
poet është ai që atë dorë kafshon
poet është ai që ka gojë
dhe ai që të vërtetën s’e zë në gojë
poet është ai që rrëzohet
dhe ai që sërish ngrihet
poet është ai ngrihet e shkon
dhe ai që të ikë s’mundet
© shqipëroi Maksim Rakipaj
ATUNIS GALAXY POETRY 