Poezi nga Fatbardha Sulaj
Dipol dimri
….çast ku ngrihen ngjyrat e tokës
e zhvishen pemët
për të lindur sytha të rinj..
Qiellit arratisen sytë e lotuar
me zogjtë vjeshtak…
Dipol çasti
në fashion-in endacak
vjeshtë – dimër 2019…
***
Hënës mbytem tani,
në ujëra të argjendta
prej diellit tim,
tek lëkunden tingujt
brenda kupës së Gralit,
dhe pi ndër mesha të heshtura
verë nga gjaku i Krishtit,
dishepullit Tim…
***
Po iki,
pa u kthyer sërish,
me një letër të gjatë pa përgjigje.
Po iki,
pa hapur asnjë dritare
thjesht do kaloj në porta pa dyer
që të mos trokas askund…
***
Atje,
s’ ka mbetur asgjë,
thjesht një deja vu e largët…
Ç’ do gjë ish varrosur,
dhe nuk di në vendosi
mbishkrim….




























Leave a Reply