Si kam për të vdekur … / Nga Iliriana Koleka

Si kam për të vdekur…

 

 

ILIRIANA

Nga Iliriana  Koleka

 

 

Para se t’i hypi anijes një vogëlushe afrikane shkon tek bokononi (fallxhori) që ta lidhte me Fa – në*, perëndinë e fatgjetjes e i thotë:
– Pyete Fanë si do vdes.
– Vdekja vjen
Kur e ka për t’ardhur,
Si një plakë e panjohur,
Si një mysafire e paftuar,
Që sado e dhimbshme,
Duhet pranuar.
Është e kot ta dish përpara,
Se përherë t’gjen papërgatit
Po deshe nuhat ajrin
E kështu, s’do kesh më frikë
Mba mënt që merhumja
Mban erë menexhik.
Kështu foli bokononi ndërsa Fa-ja e ngriti pezull në ajër e i tundi zinxhirët e fatit.

E pakënaqur nga kjo pergjigje, para se ti hypë vark-madhes,
vogëlushja i drejtohet Heviosit, perëndisë së rrufesë
– A do ta qëllosh anijen time?
Po Heviosi zgërdhihet e ngre një kollonë me tym të dyzuar, si kuçedër me dy kokë.
– Mbase rrufenë do ia hedh skafistit, jo një vogëlusheje si ty, të drobitur nga lufta, që i ka mbetur një fije frymë.
Kështu foli Heviosi duke u tretur në renë e tymit të tij me dy kaptina.

E palumtur nga përgjigjja, vogëlushja i drejtohet Shangonit, perëndisë së luftës
– Do më hedhësh një bombë kur të jem në det, apo do arrij të vë këmbët në dhe?
Po Shangoni ngre oksën, sëpatën me dy tehe dhe sheh me inat të parëndësishmen vajzë toksore:
‘Mos më sfido Nampë e vogël**
Unë bëj luftra, nuk fërkoj llampa Aladini për t’iu lutur xhindëve. Mbase do vdesësh nga sëmundja e do jesh në dore te Sakpatës.***, o mbase do vdesësh nga lindja e fëmijës, nëse do arrish të martohesh, po prej meje, jo!

E pangushëlluar vogëlushja morri rrugën e detit. Perënditë s’i dhanë asnjë siguri që do arrinte gjallë në Lampedusa, po s’i thanë as të kundërtën.
U nis, po Fa e dinte orën dhe banesën e fundit, hambarin e anijes, pa vrima për të marrë ajër. Nuk i tha gjë për zjarrin që do binte, njerëzit qe do digjeshin e skafistin piroman.
Vogëlushja mbylli sytë, duke pritur të çelë dita, derisa ndjeu erën e menexhikut.
——————-
*Fa, Ifa, Afa = Perendia e Fatit (vëmë re që “Fa” në gjuhën afrikane është identike me shqipen ‘Fat’).
** nampa = njeri

***Sakpata=Perëndia e sëmundjes

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s