Seç janë rrokur zotërijtë ndër veti! / Poezi nga Mehmet Bislimi

MehmetBislimi

 Poezi nga Mehmet Bislimi

 

 

Seç janë rrokur zotërijtë ndër veti!

 

 

Muralet

 

i hoqën më parë

se ç’i vunë

muralet në Parlamentin e Kosovës i mbuluan

përfaqësuesit fatalë të popullit

futur aksidentalisht në lojën e madhe

të kombit

me halle

 

muralet sot

mbuluar me ferexhe

lojë me historinë

deri në trishtim

përfaqësuesit e platformës neveritëse

netëftohtave të dimrit

në peshim

nën peshën e ndjenjës së keqe

muralet në Kuvendin e “burrave” të Kosovës

edhe sot

mbuluar me ferexhe

 

 

 

A do karrocë zotëri

 

ndjesi trishtimi

shtrirë në shekuj

bijtë e shekullit të ri

në tregun e blertë të Prishtinës

strukur nën lotin e shiut

 

shpresa të mekura në zërin e një fëmije

që thërret në refren

i ndjenë

 

A do karrocë zotëri …

 

te tregu i blertë i Prishtinës

jo larg spitalit të veremit

u dogj në mjerim poema

dhe mushkëri e Migjenit

 

A do karrocë zotëri …

 

 

 

Katarsis

 

e pabesueshme

kaq shumë pastrim u dashka

në këtë krizë

me reduktime uji e rryme

vështirë se

pastrohet ndërgjegjja

 

a ka lumë që na lan

 

dy sharje ka

e zeza ju shpëlaftë

lumi mos ju laftë

 

 

 

Divorcimi

 

dy gjenerata

përjetësisht të divorcuara

për hir

të besnikërisë

dhe

tradhtisë

ndaj atdheut

 

 

 

Burrëri

 

burra

ka

ka pasur

do të ketë

kryefjala dhe kallëzuesi

burri

nuk liget dhe

në pusi të ligësive

nuk bie

kaq e thjeshtë

 

 

 

Barrëse

 

fjala mori dheun

Qeveria qenka me barrë

 

në kuvend

në rend të ditës

kërkesë e opozitës

për kohëzgjatjen e shtatzënisë

dhe atësinë e fëmijës

 

duam sqarim

menjëherë

ndryshe Kosovës do t’i mbesë

“me ligj”

kopili në derë

 

 

 

Partitë

 

e djathtë

e majtë

e qendrës

u përligj kjo lojë

përmes përkatësisë partiake

identifikohemi

në fytyrë e surrat

me shterpësinë e gjatë

kancerin morën kryeparët

morën në stomak

 

 

 

Teatër

 

para teatrit

kompozim ngjyrash

e personazhesh

të dëshpëruar

me egon vulgare

me ambicie meskine

të mbështjellë tërkuzë

 

cilën dramë po përgatisin tani

për publikun shqiptar

në mos prapë

„Godonë“ vallë

 

 

 

Silikoni

 

bastardët e menduan

t’ia venin silikonin në gji

Kosovës nënë

që të mos i zë mallkimi

i saj në zemërim

 

haram ju qoftë silikoni

i gjinjve të mi!

 

bastardët shpëtuan

silikonin zbuluan

në kurriz të atdheut

gërmuan

tani

pa frikë nga mallkimi

i gjinjve shterpë me silikon

të Kosovës nënë

 

 

 

Karriget

 

si orendi në Parlament

karrige shumëngjyrëshe vunë

të zbrazin vrerin kundër njeri-tjetrit

deputetët

 

në karrige të parin vunë

me legen në duar

për të mbajtur radhën e zbrazjes

respektoni radhën tani

ju vrerëzi

ngacmuesi i vrerit ju fton

 

 

 

Murtaja

 

për vendin vakant

kambana e përmbysjes së madhe ra

nga shoqëria vakante u dogjëm

tautologji e stërzgjatur

mekje pranverore

minjtë e mbeturinave të qytetit

murtajë po përhapin

kurthi s’po i zë

në kurth

pa (me) dashje

kemi rënë ne.

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s