Poezi nga Dije Lohaj

dije

 

Poezi nga Dije Lohaj

 

 

 

GRAFITET E MIA NĒ MUR

 

A thua jam e vetmja në botë

Që më ka burgosur liria?

A thua ku flenë e ku zgjohen

Ato grafitet e mia?

 

  1. R. e E. HO.

 

Janë në djersën e shtetit

A në drejsën fëmijërore?

Janë në themelet e kthyer përmbys,

A në kala ëndrrash

Sot e mot!

Gjithë jetën kam rendur

Me to në duar

Edhe ato më ndiqnin pas

Ato grafite me pak shkronja,

Që pikojnë gjakun tim.

Sa ironike!

Sa profetike!

 

O Zot, sa shumë dhembje

Ka pirë loti in,

Pêr të dëgjuar tingujt

E lirisë shpirtērore,

Kur ditë e natë duarlidhur

Vēnë pas murit ngrysesha,

Në qeli prapëseprapë shkarravisja

Të njejtat grafite.

 

Në atë lakuriqësi

Ushqeja shpresën me shkëlqimin e lirisë

Lexoja grafitet nëpër

Gjethe të pranverës

Në lisin e dhembjeve të mia.

 

 

 

UJI I GJAKUT

 

Si po na përflakni në këtë planet,

Në këtë baltë e ujë të pafund,

Ku bashkë me djallin

Keni ngritur kurthe përpara nesh

E ngutur keni hipur në fron,

E ne të mërguar shtyjmë ditët tona,

Si sizifi gurin e vet

Dhe shpirtit tonë si strehë

Po i japim mish e gjak,

Të zvarritur drejt errësirës…

A të vrapojmë

Apo të vështrojmë,

Shtrirë nga qielli,

Para jush,

Të mbledhur në fushimin e zi.

Mbi koka na djeg zjarri i dimrave tuaj

Tek vështrojmë lart,

Drita na verbon,

Nata na i ha sytë,

Në djersë trupat tanë notojnë,

Nga lart ju ujë gjakut i shtoni,

Të përgjumur jemi apo të zgjuar?

Kuku kukuvajka këndon,

Në degën e thatë vaditur.

 

 

 

NJË VARG TJETËR BALADE

 

Sonte

Desha t’i them të gjitha,

Të shkruaj një varg tjetër balade!

Po ku të gjej ty?

 

Desha t’i gjej fjalët,

Që asnjëherë nuk mjaftojnë

Për malli,

Për ëndrrat,

Për fluturat,

Për udhët

Që më sjellin te ti.

 

Sonte

Desha të të tregoj për zanën time të malit,

Që pllajave pret dragoin

E ta spërkas me erë molle e suferine!

Po ku të të marr ty

E të tregoj tiktaket e zemrës,

Që shkrijnë

Ata dimrat e borës së kuqe

Nëpër legjenda.

 

Sonte

Desha të të flas për acarin,

Për vapën mbledhur

Në zenit të shpirtit.

 

Sonte

Desha të shkruaj

Një varg tjetër të baladës së gjakut,

Të kuptosh se si lumturisë së zemrës

Ia kam gjetur burimin,

Mbushur me djersën e kriptë,

Me vlugun e delltë.

 

Sonte

Desha të dish se kam guxim

Të marr fjalën e burrit në gji,

Po ku të të marr ty?

 

 

 

MALL NËNË

 

Dielli ledhatoi malet

Tomiorr e Korab

Dhe u dha dritë thinkave të zonjës mëmë,

Tek perëndonte poshtë hijes së saj.

 

Sa herë loti i kapërdinte faqet,

Dheu futej në vargjet e Naimit

Në gërnja, lugje e lugina,

Në gurgullima lumi e gurre…

Sa herë që pranverat vinin tē kuqe,

Ditëlindjeve të shkruara në Dubovik,

E malli e loti kërkonin

Edhe gjysmen tjetër jashtë kufirit,

Kërkonin Bukuroshen e Durrësit

Valëve në bregdetin e Moresë.

 

Dielli ledhantonte prapë malet

Tomor e Korab,

Tek një rreze pëshpëriste:

Ditēn mos na e përpij,

Se pranverat

Nuk vijnë gjithmonë me ngjyrë të kuqe,

Pa stinën tënde…

 

Edhe gjysma jonë

Jashtë kufirit gjeografik lëngon,

Si gjysma jote, nënë!

Kur nuk e arrin malli im,

Kur nuk e arrin dashuria ime.

 

 

 

RILINDJA IME

 

Ja bulevardi i vjetër,

Djersa e damarëve të mi,

Që lag rrënjët e lisave

Kthyer përmbys…

Grimca statujash shkrehur

Nga plëngprishësit,

Që të gërryejnë

E të marrin shpirtin,

 

Ja,

Janë më tutje,

Ato soj dhelprash

E majmunësh

Një racë e panjohur,

Që shesin pronën time,

Aromën e foshnjës sime

Bukurinë e zogjve,

Puhinë e livadheve,

Gurrat e freskëta të maleve…

 

Ja qyteti im i zbrazët,

Me gjurmë ujqish.

 

Tashmë i shikoj e stepur

Copat e tretura

I ndjej, i shijoj

Si një relikt të vjetër

Dhe e fundit

U mësova të të dashuroj

Dhe të të mbroj mes llomotitjesh.

 

Sa e sa herë zgjohesha agsholeve

Përthithja ajrin tënd të helmuar,

Ah, të helmuar nga flaka

E plëngprishësve të tu…

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s