Poezi nga Vaso Papaj

Vaso papaj 1

Poezi nga Vaso Papaj

 

 

Bio të jem?…

 

Vallë, bio gjer tani të kem jetuar?…
Për mua do ishte mrekullia vetë.
Me këtë vështrim të përmalluar,
Mos i fatlumur arrita gjer këtu, vërtet?

Ndonëse vite plot supeve mbështes,
S’më paska humbur jo, të parët larg.
Me kërshëri të ardhmes i shoh një shpresë,
Të shkuarës – dhimbje të pafund, në varg.

Dhe pyes veten: bio të jem, vallë?
Po ç’analizë të bëj?! Më rezulton poet.
S’guxoi kurrë një shtysë boshe të më kallë.
E vetmja shtysë më qe dashuria e vërtetë.

Ndaj rri e rri e të përkëdhel nga pak.
Nga drithërimat kurrë s’më iket.
Se në kam qenë tërë jetën bio, nga oxhak,
E ndezur dashuria rri e kurrë nuk fiket.

Dhe ajo m’i la përherë duart e lira,
Por edhe mëndjen gjithashtu të lirë.
E nëse mbetesh bio ditëve të vështira,
Do të thotë të bëhesh përherë e më i mirë.

 

 

Tango

 

Tango,
Ndonëse ndëshkimet ndër vite më kanë ndjekur,
Kujtimi yt asnjë çast nuk më është tretur.
Të kërkova, tango,
Një ditë prapë të kam gjetur.

Tango,
Me hapin dy plus një, ti s’je veç një vallëzim magjik,
I asaj kohe që nuk do të kthehet më, or mik.
Të dua fort, tango,
Se je fisnik e mbi fisnik.

Tango,
Dikur ke qenë një poezi e imja, e gjallë.
Sa herë që e kujtoj, më ngjizka vetëm mall.
Provojmë bashkë, tango!
Dhe i vdekur, ti më ngjall.

Tango,
Bukuritë tona të dikurshme më s’do t’i kesh,
Sado rrotull të vimë të dy aty në shesh.
S’të lëshojmë, tango,
Miqësi do të gjesh mes nesh.

Por… tango,
S’e di… do t’më shërbejë sadopak kujtimi yt!
Mjafton të mos i ndahem një minutë asaj nga sytë
Të adhurojmë, tango,
Në gji na robërove, zhyt.

Hej, tango, në fund,
Koha s’ndalet, Një ditë, vallë, do t’më pranosh,
Se edhe unë qenkam si ty, nuk paskam moshë?…
Rrëmbemë pra, tango,
E qiejve shpjermë si djalosh.

 

 

 

Në rrugën e rinisë

 

Rrugën e rinisë prap’ e kisha gjetur.
Kioska shtrembaluqe aty kishte mbetur.
Në bangot e drurit ca fytyra të reja.
Një gotë më ofruan, s’kisha ku të veja.

Ja, në ato bango, dikur ishim ulur.
Kafe kishim pirë, me orë rrinim ngulur.
Gishta kapërthyer, shiheshim në sy,
“Përgjithmon të dua” thonim që të dy.

Po nuk shkoi gjatë, ti maturën more.
S’ndriti më n’asfalt qeshja engjëllore.
Ditët numeroja, vitet rrodhën lumë.
Unë portretin tënd gdhendja dhe në gjumë.

Prandaj jam këtu, erdha përsëri.
Kërkoj të të gjej, e nuk shoh njeri.
Me një gotë në dorë, në buzë një cigar’,
Më godet fort zemra, përgjysmë e ndarë.
Ulur jam me veten, vetminë shoqëroj.
Them se më do fort, s’do të më lëshojë.
Edhe nëse nesër, të gjithë marrin dhenë,
Unë do t’jem këtu, të pres, ndoshta vjen…

Po në atë bango, ulur dy të rinj.
Edhe pse të dehur, s’i vështron njeri.
Puthen gjat’ e gjatë dhe seç pëshpërisin.
Ndoshta dashurinë mezi e vërtisin…

Dhe unë jam këtu, këtu përsëri.
Përpiqem të të gjej e nuk shoh njeri.
Me një got’ në dorë, në buzë një cigar’,
Qiell i zemrës sime në dy pjesë i ndarë.

 

 

Lëmsh

 

Lëmsh – kurrë problemet tona nuk do t’treten.
Ngjajnë ndryshe me të botës e në vend mbeten.
Lëmsh o lëmsh, po e humbim të tërë fillin.
Lëmsh u bëka, po e deshëm shumë 1 prillin!

Lëmsh – po të jetë për ne, pafund kemi gabime
E nga këto, jo pak, kemi pasur dhe pësime.
Lëmsh – na bënë dhe helmet që na zunë ndër vite.
Lëmsh – në errësirë, lëmsh në rreze drite.

Lëmsh – më godasin dhe shpesh vetëm ndjehem,
Edhe kur gabimet e të tjerëve, veç tek unë vërehen.
Lëmsh, lëmsh, tërë jetën fshijnë rrugët ëndrrat e mia.
Lëmsh – vetëm një çast gëzime, kur të zë dalldia.

Lëmsh – si përherë, kudo vetëm gënjeshtra shesim.
Shajmë, na shajnë e prapë pafund në vend mbesim.
Lëmsh – jemi bërë të na zënë me vezë, me domate.
Lëmsh – thjesht, se gënjeshtrës ia besuam tonat fate.

Lëmsh, lëmsh më është dita që kam humbur.
Lëmsh është edhe nata, që mezi m’është shkulur.
Vetëm jeta me ty, s’bëhet lëmsh, është tjetër histori.
Këtij lëmshi ia ke gjetur fillin: ke derdhur dashuri.

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s