Else Lasker-Schüler
Kalendari poetik: Else Lasker-Schüler (1869-1945)
Sot, më 11 shkurt, mbushen 150 vite nga dita kur u lind Else Lasker-Schüler, poete gjermane me prejardhje çifute. Sipas shkrimtarit dhe kritikut Gottfried Benn (ish i dashuri i saj, Else u martua katër herë), ajo qe poetja më e madhe gjermane. I ati qe bankier, e ëma poete. Me vendosjen e Hitlerit në pushtet, u vendos në Zvicër dhe kur i hoqën shtetësinë gjermane në vitin 1938, shkoi në Palestinë, ku edhe vdiq më 22 janar 1945, në Jeruzalem. Ja një poezi prej saj:
DËGJO
Marr netëve
Nga buza jote trëndafilë
Që tjetër femër mos t’i pijë.
Ajo që të përqafon
Rrënqethjet e mia vjedh
Që qark teje vizatoj.
Jam vetë shtegu ku të ecësh.
Cila të qaset e të prek
E ka keq.
Kudo të jesh
Prekjen time e ndjen
Si teshat që vesh?
© shqipëroi Maksim Rakipaj
ATUNIS GALAXY POETRY 