I kthjellët është dhe qielli sonte
Mbushur me yje … në pambarim
Mes tyre hëna qetë vallëzonte
ndriçon gjithçka ky vezullim

Orët ngadalë rrokullisen
Në heshtje presin të nesërmen ditë
E ëmbël është nata sonte
Kur pret një diell që rilind..

Një semafor ndizet e fiket
Të hap një shteg në kryqëzim
Si një fletë ditari shfaqet
Ku shkruan zemrën mallëngjim

Pas tyre parqet heshtin strukur
Mes gjethe rënë si një kujtim
Imazhe thyer …humbur e gjetur…
Magji e ëndrrave, pa vegim…