Kalendari poetik: Anna Świrszczyńska (1909-1984) / Përgatiti materialin Maksim Rakipaj

Anna Świrszczyńska

Kalendari poetik: Anna Świrszczyńska (1909-1984)

Sot, më 7 shkurt, mbushen 110 vite nga data e lindjes së A. Świrszczyńska, e njohur si Anna Swir. Ishte poete polake, dramaturge dhe autore e shumë librave për të rij e fëmijë. E lindur në një familje artistësh, e kishte në gjak dashurinë për letërsinë dhe artet. Në Luftën II Botërore shërbeu si infermiere në radhët e rezistencës kundër nazizmit si dhe shkruante dhe shpërndante trakte; një herë priti një orë që ta pushkatonin gjermanët, por fatmirësisht nuk ndodhi. Përvoja e luftës, trupi i femrës dhe dashuria, janë temat kryesore të poezisë së saj. Ja një shqipërim prej saj:

DRYNI

Trupat tanë
nga njëri tjetri nuk duan të shqiten.
Me krahë ngërthehen,
të tmerruar na vështrojnë,
si dy fëmijë kriminelin shohin
t’u afrohet.

Asgjë nuk kuptojnë. Të çmeritur,
larë në lotë,
nga ngashërimat dridhen,
kërkojnë, pa zë pyesin
përse.

Meqë përgjigje nuk marrin
pyesin përsëri
pa zë, pa frymë,
përgjërohen, lypin
mëshirë.

Por ne,
për ta, mëshirë s’mund të kemi.
Thyejmë drynin e atij përqafimi,
shkëpusim e shkulim flokët e ngatërruar
dhe hedhim tej,
veç e veç,
dy trupa të mjerë
duke dhënë shpirt.

 

© shqipëroi Maksim Rakipaj

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s