Poezi nga Vasil Tabaku

vasil Tabaku

Poezi nga Vasil Tabaku

 

 

 

PËRTEJ DHIMBJES

 

Në heshtjen
E pikave të shiut
Është portreti im
Prej trandafili të plagosur
Dhe zërat e fsheht
Nëpër lëndinat e dhimbjes…
Aty është
Sekreti
I dashurisë per ty
Është arti I puthjes
Dhe vallëzimi I përqafimit…
Përtej dhimbjes
Atje
Ku lulëzojnë
Lulet e dridheshme
Të psherëtimave tona
Fjalët që asnjëherë
Nuk patën kuptim
Dhe asnjëherë
Nuk thanë të vërtetën…
E vërteta
Ishte shkruar
Në fjalët tona të pathëna
Dhe dhimbjen tonë
Prej shiu…
Unë luaj me lotët e tu
Lotët e tu
I shëndrroj
Në një yllnaj të dielltë
Me gërma zjarri
Që përvëlojnë
Premtimet tona
Prej fëmijësh…
Dhe ti
Më thua se përtej dhimbjes
Ka dashuri
Ka dritë dhe frymë
Ka një buzëqeshje
Diellhene
Dhe një gurgullim
Puthjesh
Që bien nga qiejt
Duke ribërë detet…
Dhe unë të thash
Përtej dhimbjes
Është vetëm dhimbja
Një fushnaj lulesh të vdekura
Me buzët prej bryme
Dhe heshtjen
Prej drurësh të trishtë
Si murgjër
Nga kohë të tjera
të paemërt
të beaktisur
edhe nga vet dhimbja..
se…
pertej dhimbjes
ka vetëm dhimbje
Brenda
kësaj kohe të cmendur
Ku e vërteta
Dhe mashtrimi
Vrasja dhe drejtësia
Dashuria dhe urrejtja
Jetojnë
tragjikisht të pandara
Të pagjykuara
Dhe të lumtura
Në këtë kryedhimbje
Të të gjitha dhimbjeve…

 

 

 

TË IKËSH NGA ATDHEU…

 

Të ikësh…
Ku të ikësh
Me një qiell dhimbje
Mbi shpinën e krrusur,
Me një brezë rrugësh
Të thurrur
Rreth mesit
Dhe një trendafil
Të vyshkur
Në cep të syve
Ku lotët
Ujitin kopështin e shpresës
Të ikësh
Për ku të ikësh
Mali im I vendlindjes
Krrusur
Nën peshën e varfërisë
Me dhimbjen
Dhëmbshtërnguar
Dhe urinë e fëmijëve
Të mbëtur peng
Në duart e ashpëra
Plot plasaritje
Nga mungesa e punës…
Të ikësh
Po ku të ikësh
Kënga ime
E shëndruar
Në vajtim të heshtur…
Pas kam lënë shtëpinë
Me ëndërra të thara
Si degë pemësh të prera
Kam lënë varret
Dhe dashurinë time të parë
Puthjen e pafajshme
Dridhjet e supeve
Dhe denesën e trishtë
Ku heshtja
Ndërton një cerdhe
Për zogjtë jetim..
Eh
Të iki
Po ku të iki
Rruga ime e fëminisë
Ku flejnë ecjet e mia
dhe vrapimet
hapat e mi prej gjethesh
dhe plagët e trendafilta
nga gurët e kalldrëmit…
Të iki
Po ku të iki
Shqopëria ime
Zonjë e madhe
Dhe fisnike…
Shqipëria ime e braktisur
Shqipëria imë e plagosur
Shqipëria ime e grabitur
Shqipëria ime e zhgënjyer
Shqipëria ime e bukur
Me vrraga lotësh
Nëpër sytë e plasaritur
Nga pritja e gjatë
Shqipëria ime e mrekullueshme
Tradhëtuar mizorisht nga politikanët…
Të iki
O Zot
Po ku të shkoj
Me këtë peshë dhimbjeje
dhe brengash pafund
Ku të ndalem
Në cilin shteg
Në cilën portë
Në cilën streh…
Ah Shqipëria ime
Po iki
Me njërën dorë
Tek gjoksi yt amësor
Dhe dorën tjetër
Tek dhimbja jote e pafund…
Po iki
Shqipëria ime Shqipëri
Ti krenaria ime
Malli im I pashuar
Magjia e ëndërrës
Dhe mrekullia e shpresës…
Ah, po iki Shqipëria ime
Më fal
Për këtë ikje
Por nuk ka rrugë tjetër
Ka vetëm ikje…
Me fal Shqipëria ime
Dashuria dhe malli im
Shpresa dhe drita ime
Më fal Shqipëri…

 

 

 

TI NJERI I ZI I POLITIKËS

 

…se ai vjen nga askund
Dhe shkon askund,
Një copë e ftohtë mermeri
Pa identitet
më rrëmben gjithcka
Më vjedh shpirtin
Më godit në dinjitet
Duart e pista
Zhyt gjer në brryl
Në dhimbjen time
Më vret…
Kush je ti
Zezan I zi
Nga cfarë hapsire vjen?
Nga cfarë humnerash
Shpërthen
Paioni yt shpirtshkatërrues?…
Ti që gjithcka të bukur
Rrëmben
Dhe shëndrrohesh
Në një sfinks të vërtetë?
…sepse
Ti nuk ke buzë
Për puthjet
Ti nuk ke zemër
Për drithërimat e mia
Ti nuk I njeh lotët
Mbretërinë e trishtë
Të varfërisë tronditëse
Dhe brengën
Prej një mali të akullt…
Ti gjithcka
E ndërton me pushtet
Por unë nuk e di
Nëse ndonjëherë
I ke parë trandafilat
Si vyshken
Zambakët
Të përgjaken
Dhe zogjtë të heshtin?
Ndërsa
Këputen mbi tokë
Si pika të vdekura
Me këmngën e vrarë
Në fluturim
Ti vraseskënhësh
Ti grabitës gëzimi
Dhe ndërtues I dhimbjes
Arkitekt I zi
I brengave dhe varfërisë
Ti mashtrues
Përdhunues I fjalës
Dhe bastard I lirisë
Më ke borxhë
Lumturinë
Dhe një jetë pritjej
Për të jetuar si NJERI…

 

 

 

UNË GJITHMONË JAM…

 

Në c’farë kohe jetojmë?…
Ju lutem
Me thoni jam ende gjallë
Apo vdekur
Jam zgjuar
Apo ëndërra
M’i ka vrarë shpresat
Shpresat
Këto lodra të fatit
Trillojnë
Apo luajnë tragjikisht me ne?…
Më thoni ju lutem
Është kohë apo moskohë
Është dritë
Apo nxiromë e nxirë
Ku e zeza
Bënë ligjin
Bënë gjithcka
Dhë më rrëmben
Buzëqeshjen
Më vret puthjen
Dhe më mbyt përqafimin?…
Më thoni
A është i lëvizëshëm uji i lumit
A është e gjelbëra e gjethes
Gjelbërim
Apo ngjyra e lotit
Mbi buzët e zhuritura
Dhe krahët e prerë të fluturimit
Vajtimi i zogjëve
Më mbulon shpirtin
Si mjegulla
Fushën e pafund
Ku verbohet dhimbja
Dhe klith trishtimi
Si zog i plagosur…
Gjaku i trishtimit
Është sot
e kuqja e buzës
Të së dashurës sime
Gjunjëzuar
Përpara qiellit të vrarë
Dhe detit të lidhur
Në vargonjë psherëtimash…
Më thoni
Dita e sotme
Ka veshur fustanin e buzëqeshjes
Apo kostumin e zi
Të brengës sime
Nderur
Mbi malet e bardhë
Ku bora thinjet
Nga pritja e gjatë
Dhe liria
Zgjohet ngadalë
Si lulja e brishtë
Me fuqi mitike
Tek canë gurin e bardhe
Dhe cel
nëpër hapsirat e kraharorit
Për të më dhënë
Pak frymë,
Pak zjarr
Dhe ngyrat e jetes së rrallë…
Më thoni
Jam gjallë
Apo bëj sikur jetoj
Kam vdekur
Apo vdekja
Mashtron
Përmes zërash vajtues
Dhe më zë prit
Ditën kur puthja
Ngrihet përpara meje
Si një monument i gjallë…
Jam ende
Do të jem edhe më pas
Do te jem
Gjithmonë do të jem
Unë
Klithma e vrarë
Dhe ëndërra e gjallë…
Jam
Do te jem,
Jam gjithonë
E përherë jam…

 

 

 

SHPËRBËRJE…

 

Qiejtë e verbër të natës
Mbulojnë
Heshtjen time…
Ti vjen ngadalë
Veshur me dritën e Hënës
E dlirë si një yll që digjet…
Trishtimin tim
Përqafon plot zjarr
Ku një nga një
Vdesin puthjet
Në një det rënkimesh
Me ofshama të kaltëra reshë…
Tashhmë e di
Jemi brenda njëritjetrit
Si rrufeja tek shiu
Dhe prushi tek zjarri…
Shpërbërë
Nëpër këtë stuhi dashurie
Rreth e rrotull Botës…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s