Poezi nga Rabije Bytyqi

 

Rabije bytyqi

Poezi nga Rabije Bytyqi

 

 

Engjëjt e dritës

 

Mijëra engjëj vijnë tek unë
kërkojnë të fshijnë çdo gjurmë kujtimi,
që ndër vite kam kaluar…

Oh!
Kot e keni, kot…
Nuk ma helmoni dot jetën!
Unë e kam çelësin dhe kodin
e zemrës së trazuar.
Jeta e tronditur mbetet si dritë e zbehtë.

Nëse ekziston parajsa
deri në varr do e kërkoj
…, dhe do e pres
në kopshtin ku përherë ka lulëzuar.

 

 

Nata me shi

 

Drita e hënës hynë në dhomë
rrezet praruar shpalosen plot magji,
në zemrën time shfaqesh,
si zog i ëndrrës përvëluese,
që i jep jetë shpirtit tim.

Largësia më bën të lotoj
dorën zgjas tej flatrave të pegasit
drejt yllit polar që fluturon
shkëlqyes si fjala jote e zjarrtë,
që gjoksin tim e përvëlon.

Si vesa më freskon shpresën mua
Të pres kur dëgjoj pikat trazim
që trokasin xhamave kristalinë
me mallin e fshehur në gji.

 

 

Shpirtin e mbolla në shpirtin tënd

 

Të dua shpirti im,
ndaj të ndjej kaq pranë
Të kërkoj kudo,
Në ëndrrat më të bardha.

Lëre shpirtin të lirë,
që të zgjedhë vetë.
Lëre të shikojë zemrën,
që të do përjetë !

Mos harro të duash
Duaj marrëzisht
Mos u tremb nga unë
Rend nëpër harbim.

 

 

Ah, kitara ime!

 

Ligështim mbjell në shpirt e zemër
Pikëllimin ta mbështjell me lumturi,
Mrekulli që orkestron burimin e jetës
Ah! kitara ime, e përjetshme simfoni.

I ligjëron ëndrrat në prehje e dehje,
vallen e engjëjve si një kumbim
Tingujt e tu, klithmë e shpirtit tim.
Ah! kitara ime, e përjetshme simfoni.

Jetës ia kthen magjinë e dikurshme,
Dashuritë e vjetra, si një sëmbim
e largëta jehonë rikthehet tronditshëm
Ah, kitara ime, e përjetshme simfoni.

 

 

Ndoshta…

 

Sonte kam aq shumë dëshirë,
që dikush të më pëshpërisë lehtë
Të më thotë si dikur: Të Dua!
…, dhe pastaj le të vdes.

Më bren diçka në shpirt,
ndoshta…,
e lodhur nga kjo jetë
Yjet- dëshmitarë pres në angështim.

Hëna- qanë me mua
E unë…,
det i rrebeluar valësh turfullim.

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s