Poezi nga Sarë Gjergji

 

Sare Gjergji

Poezi nga Sarë Gjergji

 

 

GJUHA SHQIPE

 

Burrërisht nëpër trajta lakohet e s’thyhet dot
plot finesë, e butë si grua
Gjuha Shqipe
kur gjini të kundërta flasin
bëhet frutë

 

 

MARA

 

Tej Detit të Kuq…
tre ditë ka që udhëtoj nëpër shkretëtirën e shpirtit
etjen për t’ shuar

Uji yt i hidhur
Mara
uji yt i ëmbël

Nëse dëgjon zërin tim
ta dish
krejt etjen time
n’ujin tënd e mbolla

Etja ime
Mara
mbetet veç e jotja

 

 

TI JE VETË E DIELA

 

Sot është e diel,
kohë meshe është.
Etja ime,
dashuron e s’bën zë,
si diell gushti në parzmën tënde digjet
digjet e s’shuhet, e rritet.
Ti je dje dhe nesër
betim dhe naforë n’altarin e një kishe
(oh, të asaj kishe që vetëm ne e dimë)
prej nga vjen drita e të gjitha ditëve tona
gozhdë në duar e këmbë e n’zemër
frymëmarrja jonë
përtej çdo varri
përtej çdo harrimi
përtej çdo kohe
Ti je dje dhe nesër
toka ime e vetme
vetë e diela m’je

 

 

MARRAMENTH

 

Prapë, ti?

Diç si bubullimë i përshkoi trup e shpirt-e shpoi
E kush tjetër të ishte pos zemrës
në mornica të ftohta shpërbërë

Me shqetësimin e ujërave në sy
përkund ëndrrat
mëngjese’ të trishta i ka
trishtili…

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s