Poezi nga Vaso Papaj

Poezi nga Vaso Papaj

 

Më sill pak det!

Më sill pak det!
Nga ai që përkëdhel brinjët e qytetit tim,
E dua nga ai të jetë.

Më sill pak det!
Me valixhe nise, si në përrallat me qilim,
Si suferinë mbi retë.

Ta derdh mbi faqe e flokë.
Të ngopem e të dehem me aromë e kripë,
Ta përqafoj si shok.

Më sill pak det!
Të lutem, më sill pak det! Të vras vetminë.
Vetmia po më vret.

 

Kënga ime

Sado të shigjetohem, me helm, që heshtje ndjell,
Që zëri të më mbytet nën tokën time thellë.
Helmin e tokës mëmë, unë do ta kem ushqim
Dhe heshtjen do t’ma mposhtë, mos t’vdesë kurrë zëri im.

Se jam shqiponjë e lirë në këtë shekull të ri.
Në gjoks rinie shfaqur, që ngre adrenalinë.
Nuk jam ajo shqiponjë që fluturonte lart, në male.
Më gjeni rrugëve, në çdo shtëpi, te çdo shqiptar me halle.

Më kot kërkoni lot të rrjedhin sytë e mi.
Si përrenj të dhimbjes janë dhe unë me fund i pi.
Dhe ju si përrenj malorë të doni det të gjërë.
Në gojë me këngën time, kurrë gjumi mos t’iu zërë.

 

Grua

Grua,
Qetësinë do të ta sjell
Dhe do ta mbaj me kyç,
Në zemrën tënde strukur.
Le të rrahë e qetë atje
Dhe unë do të jem i lumtur.

Grua,
Universin do ta mbledh
Dhe do ta sjell në grusht,
Në mendjen tënde ndrydhur.
Të ngopesh me pafundësi
Dhe unë do të jem i lumtur.

Grua,
Do të ta sjell edhe durimin,
Do ta strehoj aty,
Në shpirtin tënd të bukur.
Durimi shpirtin të të shplodhë
Dhe unë do të jem i lumtur.

Grua,
Me orë, ditë, vite, më mban në sy.
Gjysmë njeriu u bëra që kur të njoha,
Se gjysmën tjetër ta fala ty.

 

Violinë dhe rrebesh

Qan violina aty, mes nesh,
Nuk ka fund ky dreq rrebesh.
Puthen notat, veshin xhamat,
Iso e shiut zbut vikamat.

S’kemi drojë, se na sheh kush,
Ti violinën ke nën gushë.
Partiturat radhë,… Belini,
Mendelsoni, Paganini.

Hënë s’ka, u shkreh në vaj,
Buzës tënde don t’i ngjajë.
Gishtat telave vërtiten,
Herë zvarriten, herë kapiten.

Mos është natë e fundit bashkë?
Dridhet era aty jashtë.
Qan violina midis nesh.
Fati ynë, vallë ndarjen ndesh!?

Ti nuk flet, as unë nuk flas,
Mos ky qiell dashka t’na vrasë?
Me rrebesh po na qëllon…
Teli MI seç më trazon.

Do ta pres, le t’më godasë.
Ky qiell plumb më bën të flas.
Se lirinë gjallë s’ma merr dot.
E kam Zot e përmbi Zot.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s