Poezi nga Iliaz Bobaj

Poezi nga Iliaz Bobaj
 
 
CUNGIMI I NAIM FRASHËRIT
 
Nuk u botua kurrë i plotë,
Naimi, i ploti i të plotit,
për ”kufizime ideore”,
se i besonte fesë, zotit.
 
Dhiatave dhe Qerbelasë,
i zhdukën barbarisht çdo fletë,
me maskë moderne, vepronin,
si inkuizicioni në Mesjetë.
 
Përpara dritës, të verbuar,
hiqnin Naimin e ndritur,
ndërsa me shkronja të mëdha,
botonin ca libra të fishkur.
 
Naimit pa fund e anë,
në letra i vinin kufi,
i hidhnin hije ca mjeranë,
që s’qenë as hije para tij.
 
Shënonin: ”Me qëndrim kritik,
të shihet nga brezat e tjerë !”.
Ai lartohej mbi të gjithë:
”Ti, Shqipëri, më ep nder…!”
 
E reduktonin pa mëshirë,
e retushonin për asgjë,
kur e plotësonin sa më mirë,
ata që s’e kishin kurrgjë.
 
Dhe u lexua i cunguar,
kur shenjë cungimi s’kish ai,
harruan se dhe shumë dhe pak,
floriri mbetet po flori.
 
Kurrën e kurrës s’u kuptuan,
se qenë dy skaj të gjithësisë,
nga botë e vogëlsisë ata,
ai, nga botë e madhështisë.
 
Por koha, e rreptë e të rreptit,
i vë në vend, turp e lavdi,
kujt merr më shumë, ia heq teprinë,
ku duhet, fal me bujari.
 
Ashtu siç shuanin të tjerët,
i shuajti pa pikë ngurim,
ndërsa në kujtesën e kombit,
Naimi mbeti po Naim.
 
 
 
NINULLA E NËNËS
 
Flokëzbardhur, ballërrudhur,
jam kthyer si nga përralla,
para pragut ku u linda,
mbledh kujtime borë të bardha.
 
Dhe i zgjoj nga gjumi i gjatë,
sa i prek pak me kujtesë,
ato çelin si zambakë,
gjallërohen, marrin jetë,
 
Janë aq shumë…s’i nxen shtëpia,
s’kanë një grimë pluhur në shpinë,
asnjë rrudhë s’ka marrë freskia
dhe në flokë s’kanë asnjë thinjë.
 
Vijnë larg, nga një kohë tjetër,
nga një kohë e tjetër ngjyre,
por ndërsa ato vijnë pranë,
unë shkoj pas, te kohë e tyre.
 
Dhe vazhdoj kërkoj me ngut,
rrëmoj thellë kujtesën time.
-Ç’po kërkon ?- më thotë një zë.
-Një ninullë të nënës sime.
 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s