Kalendari poetik: Nicanor Parra (1914-2018) / Përgatiti materialin Maksim Rakipaj

Nicanor Parra

Kalendari poetik: Nicanor Parra (1914-2018)

Më 5 shtator 1914 u lind Nicanor Segundo Parra Sandoval poet, matematicien dhe fizikant kilian. Vepra e tij poetike pati ndikim të fuqishëm në letërsinë latino-amerikane. Mbahet nga kritika letrare si babai i ‘antipoezisë’ dhe ndër më të shquarit poetë bashkëkohës. Poezia e tij u ndikua nga veprat e T. S. Eliot, Ezra Pound dhe Walt Whitman. Fillimet e tij si poet shkojnë në vitin 1937, pra mbi tetëdhjetë vite krijimtari poetike, prej profesorit të fizikës dhe matematikës, që la gjurmë të thella në poezi dhe jetoi afro 104 vite. Ja shqipërimi i sotëm nga poezia e tij:

ATI YNË

Ati ynë që je në qiell
dhe mban hallet e botës
me ballin rrudhur
si të ishe një prej nesh,
mos e vra mendjen më për ne.

E kuptojmë që vuan shumë
sepse nuk rregullon dot gjë.

E dimë se Djalli të qetë nuk të le,
gjithçka shkatërron, çka ti ndërton.

Ai të përqesh,
por ne qajmë me ty.

Ati ynë, që je atje ku je,
qarkuar me engjëj hileqarë,
sinqerisht,
për ne mos vuaj më.

Kupto dhe Ti
se Zotat të pagabueshëm s’janë,
por ne dimë të falim, gjithçka falim.

 

© shqipëroi Maksim Rakipaj

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s