Kalendari poetik: Robert Frost (1874-1963) / Përgatiti materialin Maksim Rakipaj

Robert FROST

Kalendari poetik: Robert Frost (1874-1963)

U lind më 26 mars 1874 Robert Frost, poet amerikan me prejardhje skoceze, njëri nga më të pëlqyerit prej presidentit Xhon Kenedi. Në vitet 1912-15 jetoi në Angli, ku u njoh me poetët e kohës Edward Thomas, Rupert Brooke, Robert Graves dhe lidhi miqësi të ngushtë me të madhin Ezra Pound, i cili e ndihmoi të botonte veprat e veta. Pati dorë të mbarë Ezra Pound; nga ai çast, fama e R. Frost filloi të rritej pas çdo libri që botonte duke fituar madje katër herë çmimin Pulitzer në poezi. Ja përzgjedhja ime në ditën e lindjes së poetit:

NJË ZOG I VOCKËL

Mu pranë shtëpisë sime qe një zokth,
Cërr-cërr gjithë ditën, s’e përzija dot;

Dilja dhe fort përplasja duart zhurmshëm
Ta merrte vesh, qe bër’ i padurueshëm.

Mbase, faji qe imi ka të ngjarë.
Sa për zogun, këng’ e tij s’kish të sharë.

Vërtet, do ta kem patur unë gabim,
Lajthit, kush këngës do t’i verë ndalim.

 

© shqipëroi Maksim Rakipaj

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s