Poezi nga Myrteza Mara

Poezi nga Myrteza Mara

 

GËZUAR!

Gëzuar të gjithë!
Edhe ata që s’më njohin nga afër,
nga urimet
vetëm urime mund të presësh,
me urime bota bëhet më e pastër!

Edhe zogjt e qiellit,
yjet e uritur për këngë,
edhe stolat e ndezur
me puthje në parqe,
nga mot blerim!

Edhe ata
që dinë të kërkojnë ndjesë,
pendimi është pragurimi.
S’kemi kufij për të ndarë
kemi tapitë e fjalës së shkruar
në penatgramenët e legjendës së besës,
në këtë botë s’jemi më shumë
veç shtegtarë me hap pelegrini!

Urova edhe kujtimet,
burimet e krojeve të dhimbjeve,
zemrat pa kthim
mbuluar me tylin e heshtjes,
por jo nga harrimi!

Do të doja më shumë urime,
por s’më lenë plagët e shpirtit,
plagët kanë nevojë
për melhelmin e fjalës,
fjalët janë bërë gurë.

Vetëm hijenat e natës
nuk i dëgjojnë urimet,
janë në kërkim të vetes.
Zoti u ndriçoftë shpirtin
të paktën mos mbeten të verbër!

Gëzuar!

 

KËNGËT E POETIT

Ah, këto këngët e poetit, si fole zogu në shkëmb
Vijnë përlotur duke qeshur, shërojnë plagën që dhemb!

Kënga-shpirt, lot i diellit, psherëtimë e ndezur zjarr
Pasqyrë si kristal i qiellit, ëndrra me vello të bardhë!

Ju që dini të këndoni, ju që këngën keni shpirt
Hapni zemrën e poetit, nuk ka çmim, ka veç dritë!

Është shpirt i endur muzë në tezgjahun e çdo ëndrre
Rrënj’e fjalës mbirë në buzë, është vallja e çdo kënge!

Ju që zjarrin keni mall mos kërkoni vatër tjetër
Vetëm kënga është zjarr, zjarr nga shpirti i poetëve!

Loti i nënës, lot i syrit e gjen veten në çdo varg
Është fllad i ngroht i gjirit, guri me rrënjë në prag!

Dhe ju vajza, oh ju vajza, tërbim i syrit të detit!
Ju që dallgët i bëni varka, dehur nga këng’e poetit!

Ju sirena, ju dhe nimfa nëpër dridhmat e tërmetit
Dhe aty ku mungon drita ndriçojnë yjet e profetit!

Udhët tona nëpër mote nëpër këngët e kësaj jete
Janë sa pesha e kësaj bote, janë sa brengat e poetëve!

Kur koha pikon gjak dhe kur tymi mbulon diellin
Ndez poeti këngën flakë, vetëtimë piskam e qiellit.

Edhe fjala, dhe bekimi mbajnë aromë poezie
Kënga është firmë betimi është frymë dashurie!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s