Sotiris PASTAKAS (GREQI) / Përzgjodhi dhe përktheu: Vangjel Zafirati

Sotiris PASTAKAS (GREQI)

 

Lindi në vitin 1954 në qytetin e Larisës. Studjoi për mjekësi në Romë dhe psikiatri. Ka botuar 16 vëllime poetike, ka shkruar libra me tregime, esse, kritikë, pjesë teatrale, ka përkthyer poezi italiane në gjuhën greke, etj. Ka themeluar e drejtuar revista të ndryshme letrare. Aktualisht drejton revistën Eksitirion.
Poezia e tij është përkthyer në pesëmbëdhjetë gjuhë si dhe është prezantuar në veprimtari të rëndësishme poetike ndërkombëtare.

 

PORTRET POETI AFËR TË DYZETAVE

Afër të dyzetave i rastisën bashkë
një martesë e parë e një libër i dytë.
Akt i thjeshtë depozite, ose pjekurie,
Kush e tha? Shpërdoroi gjithçka që kishte
dhe tashmë nga papafingoja e tij e re,
në këmbë, mes miqve të tij, me kostumin
e bardhë linoje, borsalinën e bardhë të dal mode
me kordelën e zezë, ngrë gotën e tij
tek të ftuarit. Fshehtas le ta dëgjojmë:

“Poezia, më të vërtetë them, nuk na shpëton
nga gabimet e së tashmes. Ngushëllim
dhe kompromis na ofron, që të
përsëritim, miq të mi të vegjël të artit,
vazhdimisht të përmirësuar: në një libër të tretë
një martesë të dytë.”

 

MËSOHESH

Mësohesh të jesh e bukur. Të të paguajnë
drekat. Të kombinosh takat me çantën.
Mësohesh të puthësh e pastaj të hypësh
pa puthje në gojë. Mëson të shikosh TV,
të flasësh njëkohësisht në celular e të
shtypësh në fb. Mëson PIN, IBAN, ID, PASËORD,
NIPT, AMKA. Mësohesh të flësh e përqafuar

dhe vazhdimisht të mendosh dikë tjetër.

 

NJË JETË

Gabimet e mia ndërtuan
një qytet të tërë
si Athina.

Nga kjo lartësi- ngushëllim i hidhur
të shikoj një Qytet
që gabim u ndërtua:
për shumë dhjetvjeçarë
një jetë gabim e ndërtuar.

 

Përzgjodhi dhe përktheu: Vangjel Zafirati

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s