Kalendari poetik: Pejo Javorov (1877-1914) / Përgatiti materialin Maksim Rakipaj

 
Pejo Javorov
 
Kalendari poetik: Pejo Javorov (1877-1914)
 
Poet simbolist bullgar. Pati një jetë të trazuar, gjë që la gjurmë edhe në krijimtarinë e tij. Në fillimet pati qasje ndaj realizmit, por më pas vazhdoi me rrymën e simbolizmit. U martua me njërën nga admirueset e tij, por xhelozia e saj ia nxiu jetën të dyve; në fillim vrau veten ajo, më pas edhe ai, por në fillim mbeti i verbër dhe më pas vdiq. Ja një poezi nga poeti i njohur bullgar:
 
 
NË PREHRIN E NATËS SHPIRTI IM DREMIT…
 
Në prehrin e natës shpirti im dremit:
mos e zgjoni.
I huaj për të gjithë,
në këtë botë jetim endacak,
ndoshta vdes në prehrin e saj këtë natë:
mos e zgjoni!
 
Nën pelerinën sjellë nga engjëjt – yje
nata e ruan, e mallëngjyer.
E trishtë pas gjoksit e shtërngon,
si të sëmurë e ledhaton,
me të sajën pelerinë, që duke qarë sollën yjet,
nata e ruan, e mallëngjyer.
 
Symbyllur fle jetimi, imi shpirt,
dhe në gjumë buzëqesh, ëmbëlsisht.
Dhe nata hesht,
përkulet e pa frymë mbetet kur sheh:
me sytë mbyllur jetimi vdiq
dhe qetë buzëqesh, ëmbëlsisht.
 
 

© shqipëroi Maksim Rakipaj

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s