Kalendari poetik: Umberto Saba (1883-1957) / Përgatiti materialin Maksim Rakipaj

Umberto SABA

Kalendari poetik: Umberto Saba (1883-1957)

Umberto Saba, emri i vërtetë i të cilit është Umberto Poli u lind më 9 mars 1883 në Trieste. Ishte poet, shkrimtar dhe eseist i njohur italian. Ja shqipërimi im prej tij:

LUTJE NËNËS

Nënë, që të kam bërë
të vuash
(mëllenja këndonte në dritare, dita
qe afër fundit, aq e mprehtë dhëmbja
sa vdekjen e të dyve kërkoja)
nënë,
dje në varr harruar, sot prani
e rilindur,
që si rrëmb uji shpërthen,
nga fundi, ku një fuqi e madhe të mbante
dhe një dorë e shkathët, beftas,
pengimin e heq;
një gëzim që parandjeja më përfshin
për kthimin tënd, o nënë që të kam bërë,
si çdo bir i dashur, të vuash.

Qetësisht qortimet e dikurshme, të kota,
më përsërit. Dhe qëndrimin tënd
në një kopësht të bleruar mendoj,
ku me shpirtin tënd prej vajze
rifilloj të flas,
turbulluar nga fytyra jote e pikëlluar,
që tretet si në dritë flatrat e një fluture treten. Ëndërr është,
një ëndërr e trishtë; e di mirë. Por të arrij do të doja,
ku ti ke arritur, të futem
atje ku je futur
-Kam kaq
gëzim e kaq lodhje!-
bëmë o nënë,
si pellg mbi tokë lindur
që toka brenda vetes ta thëthijë dhe ta zhbëjë.

 

© shqipëroi Maksim Rakipaj

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s