Poezi nga Nikollë Loka

Bardhësi dhe fat

Një yll në qiell
kthehet në ëndërr,
flokë-flokë
bardhësia zgjohet,
e një kujtim,
një çast
na vë për udhë
e na çon larg…
Mbarësi dhe fat,
prej lart
po na dhurohet.

Në strehë të ballit

Në strehë të ballit
botën ma fsheh,
të shoh në sy 
e afrohem shtatë qiej.
Me të kaltër,
shtatë herë planetin
e mbështjell,
e kaltër
po më duket çdo ndjenjë.

Bjeshka e Larit

Mbi kroje të randa
dhe lugje të gjata,
kalon ujë
e fëmijënia i rri për skaj.
Bjeshkë e Larit hijeranda,
me pak dafina,
e shumë lulezojë,
edhe pse mali
kish dragoj e zana,
ma shumë pëlqente nina-nana
e për lirika kish nevojë.