Poezi nga Fahredin Shehu

Fletore e kadifenjtë

Në fletoren çivit prej kadifeje
një pendë e rënduar shkruan vrazhdë
me gjakun në vend të ngjyrës dhe
germa të drejta në këtë botë të shtrembëruar.

Qehret prej Jo-Vendit

K’shtu, me kët urnë t’mushun me frymë
dhe prej tokës ajo lypte
njerz my ftyra prej Jo-Vendit
damart e eshnat kanë me u shkri
me ngjyrën e shafranit dhe me erandje nardi
Ieshua m’pret me i ra nër kom’
Germat e mia jan’ t’rrumullakta, tingujt e tyne zhbirojnë
tuj mëtu me u bashkue si lumi me detin e madh.

Flaka blu

Bulë mëshire e mjaltë,
në thellësinë e zemrës.