Seine do të lindë sërish / Poezi nga Luan Rama

 

Luan Rama

Poezi nga Luan Rama

 

 

Seine do të lindë sërish   

 

Seine është shtatzënë,

duket se shpejt do të lindë,

Seine dergjet në ethe dhe flet përçart,

«Musée du Louvre» dhe «Musée d’Orsay»

nuk guxojnë t’i hapin portat për turistët,

që dje statujat kanë rënë të flenë dhe kushedi kur do zgjohen,

ndoshta nesër, pasnesër, kushedi kur…

Bie shi mbi Seine, ajo do të lindë,

Jupiter Pluvius dhe hyjnia Hyetos

nga qielli hedhin ujë pambarim,

qullur gjer në kockë është ura «Mirabeau»

dhe Seine rrjedh bashkë me kujtimet tona,

Apollinaire është zgjuar dhe ka marrë udhën në këmbë

të takojë Picasso-n në «Closerie de Lilas»,

urat s’kanë më fuqi të ngrenë harqet e tyre

dhe Seine digjet në ethe gjithnjë,

natën vonë ajo përpëlitet dhe përmend përçart

emrat e të vdekurve të mëdhenj, poetë, piktorë, aktorë, lypës,

emigrantë të panjohur dhe dashnorë të pafat

kredhur nga urat mbi të në ditë jermi,

qindra japonezë e kinezë shkrepin aparatet e tyre

mbi barkun e fryrë të Seine-s,

«zuavi» i gurtë i urës «Pont d’Alma» e ka ujin gjer në gjoks,

“ditë qameti”, murmurit ai,

mbi ujë kalojnë me shpejtësi trungje, pemë,

shpendë të vrarë nga vetëtimat,

letra të qullura, shkruar s’dihet kur,

çarçafë të vdekurish dhe copa flamujsh,

qiejt bubullojnë,

por askush nuk e di ku janë orakujt që t’i pyesin,

ndoshta janë rrugës për në Delf…

 

Nesër kushedi, Seine do të lindë përsëri…

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s