Dhoma e poetit – JANIS RICOS / Shqipëroi: PETRO ÇERKEZI

Poezi nga JANIS RICOS

 

Dhoma e poetit

Tavolina e zezë e gdhendur, dy shandanë prej argjendi,
çibuku i kuq. Rrri ulur, pothuajse i padukshëm, në kolltuk,
duke pasur gjithmonë dritaren pas shpine.
Pas syzave, vëren me kujdes të madh,
bashkëbiseduesin e tij,
në dritën e bollëshme, kurse ai i fshehur mes fjalëve,
tek historia, brenda njerëzve të tij, të largët, të paprekshëm,
duke ngujuar vëmendjen e të tjerëve në vezullimet delikate
të një safiri që vesh në gisht, dhe krejt i gatshëm
shijon vlerësimet e tyre, në çastin
kur adoleshentët budallenj
lagin me gjuhë buzët e tyre mrekullore.
Kurse ai
dinak, i pangopur, i mishë, i pamëkatë,
midis po-së dhe jo-së, midis dëshirës dhe pendimit,
si peshore, në dorën e Perëndisë lëkundet i gjithi,
ndërsa drita e dritares pas kokës së tij
vendos një kurorë faljeje dhe shenjtërie.
“Në qoftë se falje nuk është poezia, – pëshpëriti vetëm –
atëhere, prej asgjëkundi nuk presim mëshirë.”

 

Shqipëroi: PETRO ÇERKEZI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s