Poezi nga Zamira Agalliu

Poezi nga Zamira Agalliu

 

Ja pse

Ja pse i zhgarravis këto ditë bosh.
Të djeshmen, të sotmen, të nesërmen pa mend
Që brenda tyre shpirtin tënd më mirë të njohsh
Dhe jetën tinëzare drejt amshimit Tim dhe Tënd.

Ja pra brenga ime paskësh qenë ushqimi
I muzës sime si shiu vjeshtës pa pushim
Që s’ngopet nga vesa e nga trishtimi
Pastaj shuhet dalëngadalë në perëndim.

Po ti, prapëseprapë mos u dëshpëro
Kur mos t’më shohësh më tek dera
Nga dallgët e fatit mua më mbro
Më struk nga dimrat të çelë në pranvera.

Kur unë të jem larguar nga kjo botë
Ti mos më kërko në krah fluturash
As luledelet mos numëro është e kotë
Zëri im të dua të thotë, në sqep kanarinash.

 

Kënga e shiut

Shi jashtë dhe brenda natyrës sime
Rrebesh dëshpërimi nxitur nga moti a nga ti, s’e di, s’e di
Fjalët nga padurimi shpërthejnë muret e shpirtit
Pasioni vlon në tretësirën e ngopur të ajrit stinor
Petalet e rënduara në sytë e dasmorëve skeptik
Nuk pres fundin e rrem jo-jo
Dhe as fjalët e rreme
Në fund të fundit drita shuhet njësoj për të gjithë
Velloja është e hollë për të mbuluar fytyrat
Mes çasteve kërkoj të varros të shkuarën pasion vrasëse
E ardhmja mbuluar prej dëshpërimit depërton psherëtimën e së tashmes
Shkëlqimi në sytë e tu i dashur më burgos premtimin e virgjër
Kështu ka për të ndodhur kur jetohet mes dy çasteve
Pikëllimi i kohës të bën të mbytësh durimin
E dashuria është i vetmi oqean ku dua të zhytem
E vetmja e vërtetë lakuriqe që e prek
Fryma e riciklimit te ndjenjës iluzive
Trishtimi jashtë dhe brenda poezive
Sa më pëlqen zhurma e shiut mbi strehët e çatisë së zemërimit rrebesh.

 

Erdhi Pranvera

Ndërrimi e stinëve më bën çudi
Ato janë të vendosura si kurorë
Njëra- tjetrës i ngrejnë lavdi
Kur sythet mbron një shtresë dëborë

Edhe ti kështu bën çudi me mua
Që degëzat çel në stinën tënde
Ti më sjell fllad me fjalën të dua
Gonxhet e shpirtit herët m’i çmende.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s