Brenda kësaj lirie të madhe
Ndërtova një park paqësor
Pastaj, do e mos livadhe
Dhe murin më të lart në oborr!

Azilkërkues endemi ende nëpër Botë!
Dhe Bota qesh e qan edhe sot “për ne”
I çamë detet me këmbë edhe me kokë
Si të ishim pa shtëpi e pa atdhe!

Jemi më të lashtët e të lashtëve edhe në mërgim
Pjesë e hartës evropiane me sytë përtej oqeanit
Vlerat nëpër torba i ngrejmë mbi shpinë
I mbjellim atje ku nuk i shërbejnë vatanit!

Malli im, jehonë që përplaset shpateve të mendjes
Dhe përshkon shtrateve të artereve

Malli im, udhëtim me busull drejtë galaktikave
Gjen forcën e arsyes dhe peshën e pasionit

Malli im, udhëton netëve pa yje me sytë e shpirtit
E merr udhën e qumështit për tek ylli polar.

Malli im, përkundet si velë magjie
Dhe mbulohet nga eklipsi i jetës.

Malli im…
……………..