Poezi nga Petraq Risto

Poezi nga Petraq Risto

 

HARROJI FJALËT…

Harroji fjalët, më fol me shenja
Nëse gjuhën e shenjave s’e di
Fol më thjeshtë: vër dorën te zemra
çele sythin e lotit në sy.

Harroji fjalët merr një zog të më cicërij
Ose sill në gishtin tim një nusepashkë
Do të përgjigjem me lotin në sy
Si dora mbi zemër: flasim bashkë.

Po përpara zemrës është gjiri:
Ç’piramidë ku fshihet Kleopatra!
Harroji fjalët – veshje prej floriri
Fol me gjuhën që mëson Mëkata!

 

SAGA CINIKE E KLONIMIT 3

Një mëz i bukur i klonuar me një re të bardhë
(loz një re në ballin qimendritur)
Nesër do mësoj abetaren e nënshtrimit
algjebrën e kamxhikut,
filozofinë e frerit në dhëmbë
domosdoshmërinë e këpucëve prej hekuri:
Kalëkrisht i gozhduar.
Do mësoj pak histori: kalin Kali…Gula(g) e bëri senator
Me një kalë druri Odiseja pushtoi Trojën.

Pastaj do mësoj rrugët
do shohë veç përpara:
(majtas dhe djathtas shikojnë veç njerëzit)
Si të gjithë nxënësit mëzi do bëjë pyetje
po përgjigjet do mbeten pakuptim: tagji prej ari.
Vonë shumë vonë
kur mëzi të mplaket
do kuptojë:
loja me të qe më e bukur
se loja e Odisesë dhe Kali…Gula (g)…

 

QYTEZA

Rrezëllin qyteza: vilë rrushi e shndritshme nga vesa
në çastin kur dielli i mëngjesit
zgjedhon foljen ‘Erdha’.
Dredhojnë udhët si degët e hardhive
si degët e hardhive mendimet bëjnë dredha.
Rrezëllin qyteza: vilë rrushi e shndritshme nga vesa
në çastin kur me trille festive
mbi to këndon psallme bletëza…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s