Poezi nga Iliriana Sulkuqi

Poezi nga Iliriana Sulkuqi

 

…PA PËRGJIGJE…

“Bëj të fshihem te një natë,
vjen një ag e sytë m’i hap…

Zë të fshihem te një gotë,
më kujton një tjetër botë…

Pa, kur fshihem te poetët,
jam te Zoti me Profetët…”

 

ESENIN…,

ku më gjete,
që më zhveshe,
gjer në palcë të trupit tim?

Me ty puthem,
qaj me vete,
unë jetime, ti jetim…

Të rrëmbeva
një beriozë,
për inat, më zhvirgjërove…

Nëse ti
je vagabond,
unë jam prush
nga llava tënde…

 

LETRA E FUNDIT
PËR ANNA AHMATOVA 

E dashur Anna,
nuk e di, nëse të kanë ardhur letrat e mia,
ku me pak vargje të shkruaja
për botën e ëndrrës …

Nuk kam asnjë lajm prej teje,
edhe pse më premtove
që do të më shkruaje
nga jeta e përtejme…

Mesa duket, je e kënaqur
në atë botë,
ku marrin fund vuajtjet
dhe shuhen dashuritë…

Më thuaj motër,
të vijnë më lot te sytë…?

One thought on “Poezi nga Iliriana Sulkuqi

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s