Kalendari poetik: Delmira Agustini (1886-1914) / Përgatiti materialin Maksim Rakipaj

Delmira AGUSTINI

Kalendari poetik: Delmira Agustini (1886-1914)

U lind më 24 tetor, Delmira Agustini, poete nga Uruguaji me prejardhje italiane, njëra nga më të shquarat e letërsisë latino amerikane në shek. XX. Qysh në moshë të njomë çfaqi prirje për poezinë dhe filloi të botonte pa mbushur njëzet vjeç. U martua në gushtin e vitit 1913, por pas një muaji u pendua dhe u nda. Më 6 korrik 1914 i shoqi xheloz e vrau duke e qëlluar dy herë në kokë me pistoletë dhe më pas kreu vetvrasje. Ky sonet është një nga poezitë e saj të fundit. Parandjenjë?

EJA DHËMBJE!

Eja dhëmbje! Krahu yt i zi korb
mbi ballë më godet dhe shpirt i nxirë
porsi zambak i vyshkur ca më mirë
ka për ta ndjerë goditjen e fortë.

Derdhu brenda meje, në timen fjalë,
nëpër trupin tim bashkë me gjakun shkrihu
në shesh të dënimit dërgomë lidhur
dhe hipmë në skelë drejt në litar.

Pa mëshirë. Ngul thikën, lidhma lakun!
Do të këndojë gurgullim i gjakut
për ty do të thurë një elegji.

Shpirti im poet, krahu yt i rëndë
si fara në tokë ka për të rënë
dhe ka për të mbirë një poezi.

 

© shqipëroi Maksim Rakipaj

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s