Poezi nga Leonora Lokaj

Poezi nga Leonora Lokaj

 

Kthehu, hënë e re mbi qiellin tonë

Në këte natë marsi
me sy hijevdekjesh në ballë
t’i prenë flatrat me sqep,
korbat e trembur nën çati përrallash.

tallazet e ëndrrave
mashtruese
veç të lartësuan
do të na kthehesh përseri
si hënë e re mbi qiellin tonë!

 

Një minut heshtje

Një minutë heshtje
për ushujzat që i thithën damarët
ylberin e zemrës ia thyen në mes
këtij vendi

për ata që edhe magjen
na e paskan vjedhur
kësaj pranvere t’mbytur pikëllimi
po luajnë me gjethet e ndjenjave tona

një minutë heshtje
për ata që qirinjtë e shpresës po na i fikin
netëve plot mëkate po i shtrinë kēmbët e tyre
deri mbi ëndrrat tona

një minutë heshtje
për ata që një ditë
do t’i kafshoj kukama e kësja kohe
e nuk do të kenë kokë për plis të bardhë

një ditë do të flas
historia e pagojë
e mbi rrënojat e mbretërive plot mëkate
do valojnë përseri ëndrrat tona.

 

Asht koh’ për dashni

Kujtimet n’sfondin e djegun gërryhen nga harrimi
yjet po kjajn strukun n’shtratin boj hane
për pak dashni po thahen heshtun fletet e jetës

andrrat janë tuj dhan shpirt
gurt’ e shpresës po rrokullisen posht shpirtit
vetmia asht e vetmja që vë krýet në zemrat tana…

Asht koh’ për ma shumë dashni!

 

ZOTI YNË, A JE ATË APO ËMË

O Ati ynë që je në qiell
gjithë i lutemi tëndes madhështi
mjekërqëndisur nga retë bardhoshe
dukesh si Ati ynë të jesh ti

retë e bardha mund të jenë perde
pas të cilave rri një vashë
një syshkruar a sy Helene
që gjithë botën e djegin bashkë

Zoti im që je në qiell
a mund të jesh ti një Orfe e jo më shumë
unë Euridikë e shkuar në ferr
duke pritur që të vish tek unë

Zoti im ku gabova
fytyrën tënde pse askush s’e njeh
në je Ati apo Ëma
dil he burrë e mos u fsheh

shtrije dorën mbi kokat tona
shuaje zjarrin a s’e ndien
ktheje botën në kopsht Edeni
se paqe e ferr këtu i kem

Shkëputur nga libri i fundit “Një puthje prej Jude”.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s