Poezi nga Petraq Risto

Poezi nga Petraq Risto

 

I mëshiruari

I mëshiruari ecën me hapa të vegjël nga që shkel triumfin e të tjerëve
i mëshiruari ndjen zemrën t’i rrah festive si kisha të dielave.
Zvogëlohen hapat dhe zmadhohet pamja, ajri ngjeshet nga cinizmi
mushkëritë hapen si dy zarfa: nxjerrin gazin karbonik të civilizimit.
I mëshiruari ecën me hapa të vegjël sa ndrojtja e ka zili
i mëshiruari ngjan me pëllumbeshën kur ngroh vezët
Papritmas ndalet njëlloj si etja kur thotë “do pi”
dhe pi me një gllënkë gjithë jetën.

I mëshiruari qep flamurin e grisur të ditës që shkoi
pastaj e tendos flamurin në pendesën e tij
i mëshiruari është: sypakdritë,
fjalëpakgojë
shpirtpakliri.
Dalëngadalë kupton se është dhe njeri…

 

ALKIMIA E UJIT

Lavdia ka logjikën e ujit: dhe pa e kërkuar e gjen vet nivelin.
Në ujët e Lavdisë: të panumërt të mbyturit.

Dashuria vlon si uji: e njeh mirë pikën e vlimit
Sado i nxehtë të jetë uji, zjarrin do ta shuaj

Fetusi tek rritet në ujërat e nënës me një peshk të artë ngjan në fillim.
Peshku i artë kthehet në Princ:
foshnja e pa-gëzuar.
me ujë pagë-zemër-imi
kjo botë është pa-gëzuar

Tetëdhjetë përqind e njeriut është ujë
Nga jashtë damarët duken blu
po brenda gjaku rrjedhë i kuq…
Pse derdh ujët e kuq njeriu i zemër-uar?

Gjaku: ujë i kuq
Nafta: ujë i zi
po breshëri i bombave që bien
bën pjesë në alkimi?

Jeta është ujë dhe sondat planeteve kërkojnë ujë
Drita vjen nga përplasja e ujit.
Kur bubullon
perënditë ngrenë dollitë: Dritë! Dritë!

PERËNDRITË

Lotët janë ujë me njëqind magjira.
Një njeri gatuan dy milion pika loti
kaq sa zgjat rruga nga Toka te Zoti.

Apokalipsi është ujë
dhe Pëllumbi i Tretë i Noes fluturoi mbi ujëra
Një repëllumb po vjen
me një degë vetëtime
plot shi ullinjsh
në sqepin që do bëhet
boshti i Tokës.

Krishti eci mbi ujë e pak shekuj pas tij ia behën serfistët

Ajsbergët janë ujë: filozofë të shtatëfishtë.
Seicili nga ne mbyt një “Titanik”.

Vendi im i rrethuar nga uji: te duart, te këmbët, te zemra, te sytë
veç te buzët e njerëzve ende ngrihen mirazhet e shkretëtirës.
Vendi im i trishtë, i trishtë.

Akullnajat janë ujë i ngrirë: në shkrirjen e tyre fshehin kataklizmën…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s