Poezi nga Shkëlzen Halimi

Poezi nga Shkëlzen Halimi
 
 
PULLAZI
 
Do ta krijojmë pullazin tonë
Me mallin e harruar
Që e ndriçon zjarri i dhembjes sonë
 
Do ta mbulojmë me dashurinë
Që dergjet netëve të gjata
Dhe do ta shtrojmë shtratin
E ushtarit të panjohur që na ruan
Nga vrasësit e ëndrrave
 
Mbi kulm do ta shpalosim flamurin e bardhë
Për t’i frikësuar magjitë e zeza
Që na shitojnë pamjet
Përtej dritares së vogël.
 
 
 
STACIONI I PRITJES
 
Do ta ndezim fenerin
Dhe do ta ndriçojmë plagën
Tregimin pa fillim e pa fund
Që përhapet në hartën e vendlindjes
Së harruar
 
Fiket edhe drita e fundit e qytetit të padukshëm
Mëngjesi sërish do të ngatërrohet
Diku në stacionin e pritjes
Ku s’të vjen askush
 
Mos e nis dhembjen drejt vendlindjes.
 
 
 
HIJE ANKTHI
 
Përtej portës së dhembjes
Lumi i mallëngjimit na i vërshon ëndrrat
Që thuren në fëmijërinë e fshehur
Aty diku në librat e mbyllura,
Rafteve me pluhur
 
Hije ankthi na tremb të nesërmen
Që assesi të shpallet në mëngjesin e stinës
Pa emër
Përtej portës së jetës vetëm dhembje.
 
 
 
PALAÇO
 
Torzo në uniformë diktatori
Përpëlitet korridoreve të mbjella me plagë
Urrejtje, e neuroza
 
Ai fshihet pas impotencës
Dhe aktron heroin e imagjinuar
Që bëhet lodër qyqe
 
Palaço në kostum
Me zeje varrmihësi vret pamjet e qiellit
Është ai, vjedhësi i ngjyrave të errësirës
 
Është ai, thotë zogu i plagosur
Që e ndjek krrokama e Korbit të PO-es
 
Është ai që lundron në lumin e përgjakur
Dhe me zjarrin e Neronit djeg anijet e shpëtimit.
 
 
 
APOKALIPTIKE
 
Ditës ia ka vrarë diellin
Ia ka hapur rrugën acarit, trishtimit
Botës së errësirës i jep përmbajtje të re
 
Ja tek vjen me krahë engjëlli
Egërsirë në trup njeriu
Që ngrin fluturimet e zogjve
Që ngurtëson djepa foshnjash
Që shkatërron urën me tri harqe
Që ia shton edhe një plagë Gjergj Elez Alisë.
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s