MË NUK KA DROJË (Shkrimtarit Nehat Jahiu) / Poezi nga Hysen KËQIKU

Poezi nga Hysen KËQIKU
 
 
MË NUK KA DROJË
(Shkrimtarit Nehat Jahiu)
 
As nuk më vjen as nuk më le të qetë
Kukuvajka nëpër serrnishtet e palëruara
Me fshisën nën këmbë fluturon me imagjinatën qyqe
Gjithandej nëpër klorofilin e kërmillit që fsheh kokë
Edhe nga fija e barit njomak
Edhe nga lulja zambak
 
E lypi relievit të ronitur me sytë e tu
Të më shfaqet tok me rrezet e posalindura
Në Agun e Afroditës pellazgjike
Më vjen a s’më vjen me erëmollën e ndaluar
-Eja, të pret Ura prej zemrave
Ajo nuk frikësohet as prej gishtave as prej thembrrave
 
Te ura e gjyshes e ke të shtruar qilimin e miqësisë
Imagjinoje një shtëpi me Rreze në dritare
Mu në rrafshin e Orizarës së vesuar me pika kristal
Mbuluar me thirrje bujare
Edhe vrullin , edhe zemrën edhe burrin
Kush është ai që burrit ia ndal turrin…
 
Ismet Jashari është në roje të burrërisë
Me identitetin në ballë si dritë e rrallë e përmallë
Kur hëna na vjen nuse në kalërim me krahët e fluturave
Edhe pranvera thurr lirika me nota idilike
Edhe vera na vjen me romanca trimërie
Edhe vjeshta plakë me Eptaf lirie…
 
Fluturimi i pëllumbave ta ngjall mallin e tretur
Ta vë krahosh rreth qafe e kraheqafe
Si një relikt që herë dhemb, herë ngazëllen
E Hutit mbi çati i shtohet belbëzimi në gjuhën kobe
Se Lulëkuqet mbi varre të keqen e zhytën në deti
Më s’ka drojë na bashkon “malli që na treti”
 
Në Gjilan, më 04. 10. 2017

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s