Mbështetur tek një pemë çelur në rrugë
Me një zë të ngjirur ngjan, ta dëgjoj tani
Dorës kërci të dobët kafshoje një copë bukë
Fruta të fresketa kemi sot për ju zotëri

Fytyrën të nxirë e rreshkur nga vapa
S`di sa vjeç ishe, dukeshe si grua
Flokët të pakrehura kapura bisht prapa
Kjo verë e nxehtë më ktheu në kohë tjetër

Indiferentë udhëtarët sytë s`ti hidhnin
E braktisur u ndjeve në këtë botë
Të tjerë s`të flisnin dhe pse të njihnin
Shikimi yt i brishtë u mbyt të nxehtëve lot.

Zemrës pikturuar atje dy emra shkruar
Fjalë lagur lotësh në t’brishtat rrjeshta
Dashuri ndoshta në ndarje përfunduar
Letër zverdhur si gjethet nga vjeshta

Shkolla mbaroi sot duhet larg të shkoj
Klasës t’kërkova mes bangave me kot
Zemër thyer mbi këtë letër po pikturoj
Një zemër për fjalët që s`ti thash dot

Ndoshta puthjeve harruar vajzës tjetër
Dashurin harroi njohur viteve më parë
Ndoshta vitesh puthur kishte atë letër
E lotëve të tij ajo akoma s’ishte tharë.

Kujtoj shtëpinë, larg veten dot se mbaj
Sjell ndërmend bagëtinë atje tej në korije
Këngë për vendin tim këndoj me lot e vaj
Më vjen në shpirt një fllad, një mall shqipërie.