S’KA PERLA NË THELLËSI TË LOTIT / Prozë poetike nga Senad Guraziu

13592768_798239186979087_3673615315325069917_n

S’KA PERLA NË THELLËSI TË LOTIT

 

 

Prozë poetike nga Senad Guraziu

 

Mos lejo humbje kontrolli, kalamendje as çoroditje busullash poetike, nga asfarë mashtruesish mos u tremb, në fakt mashtroji ti, ngul këmbë – në lojë e sipër provo, insisto, disiplino këso engjëj ndjenjash, pa mëshirë ndrydhi, thirravajet e tyre mos dëgjo, as çfarë thonë – duan të të blejnë, janë fals, mashtrues pra, sheqerka fort të ëmbla në shije, të bindin dhe pa ndalë betohen se janë “sugar free”, i reklamojnë… mos beso, kategorikisht refuzo.

 

***

 

Kam frikë: endesh si nimfë e ndrojtur pastaj cepave të syve-përlotur, strukur në mjegullën e përhirtë të mërzisë, mëngjeseve, pasditeve… përditshmërisë, ngjeshur-puthitur si pixels, xixash tek pulsojnë pandalë, mini-llambash, një milion ngjyrash të harlisura qiellit të vrenjtur, hieroglife ëndrrash, gravurash në qelq, shkrepëse shkëndijash kot, fërkime stralli digjital, përvëlim malli, gjurmë gishtërinjsh në tastet – dhe padashur direktivë e “gjuhës” të tradhton, zhgënjehesh e ti mbetesh e trullosur, si ndonjë flutur sillesh, sorollatesh rreth dritës e përhumbur… kundron për një çast “termo-vulat” në ekran, gjurmë izotopesh nga yje të djegur, të tretur kaherë, pakthyeshëm – “çdo gjë është moderne dhe e bukur xham”, do klithësh, dhe do të shtosh pastaj: “lokalizëm, i dalë boje tashmë”, ndërsa se pse matesh të hidhesh lëngut njelmak, opium-shfryrje, lehtësim sadopak, shih, ti vërtet s’përmbahesh, zhytesh e pastër si rrezja syprinës, i përshkon kristalet e kripës si shigjetë drite, nuk ndalesh dot deri në dhimbje, por pse sforcon timpanët, mos aq thellë… deri në pëlcitje, ti harron shtypjen vrastare, të lutem respekto ligjet e hidrosferës, sepse kot… s’ka asfarë perlash në thellësi të lotit, apo jo, poeti bën të jetë një qaraman, nëse qanë do jenë elegji, por “vetë muzat qajnë” s’bën të thotë, assesi.

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s